الاخوان
المرن
ابن الوطن
الدمام
v2
ابو هشام
أحمد الصبان
شكرا لكم على مروركم وتعقيباتكم
اقتباس:
|
اول شي انت بادي متحمس فما ادري هل انت أجنبي أو مقيم كما يقولون ام انك سعودي تاكل بملعقه من ذهب
|
يهمك هالشي؟؟؟؟؟؟؟؟ تعتقد ان هالشي مفيد في النقاش في موضوعي ؟؟؟؟
اقتباس:
|
فروق بالتفكير مافيه ولا بالعقل ولا بالمسؤوليه بل بالعكس الانجازات التي حققها السعوديين في كثير من المجالات كثير جدا جدا لم يحلم بتحقيقها الاخوه المقيمون
|
يعني السعوديين بس اللي يحققوا انجازات وباقي الدول كلها مسكينه تجلس منتظره ابداعاتنا
وش رايك نتكلم بالعقل وبلاش نعلق على كلمة السعودي وصل للمريخ والسعودي نزل لقاع البحر ونتفق انه في كل بلد في ناس تنجز وناس تكسر وناس ماهمها الا لعب البرجون
اقتباس:
ثانيا نحن قوم لنا عادات وتقاليد مانتركها ولن نتركها واهمها الكرم والضيافه
يعني يجيك ضيف تذبح له دجاحه او فرخ ؟؟ خلوكم واقعيين
والاتقوله اعذرني انت جيت في وقت بايخ وراتبي 2000 مايكفي حق ذبيحه؟
|
اول شي الذبايح بالذات 95% من التجار فيها سعوديين ( اللي يقولوا الاجانب هم اللي يرفعون السعر لايتكلموا في هالنقطه بالذات
) بعدين انت اذا مصمم على اكرام الضيف ( الجود من الموجود ) هذا اكبر اكرام والا اشتري كيلو لحم وخلي المدام تكثر الرز وتسوي كبسه
واذا مرهـ مصمم انك تذبح وتكرم ضيفك محد مانعك بس لاتقول ياحكومه انتي السبب ليه ماتعطيني راتب 10 الاف ريال حتى اكرم ضيفي ترى محد مسئول عن ضيوفك .
اقتباس:
ثالثا ايضا عاداتنا وتقاليدنا لو انا شديت حيلي وقلت يالله من بكره بصير سباك او معلم شاورما
تعتقد ان في احد بيزوجني ؟؟
البنت ترفض واهلها ومو بس عشان الشغل عيب ومدري ايش لا
معلم شاورما بيدفع مهر؟؟ وتعرفون المهور كم الحين
|
والله الشغل مو عيب واذا بنت عمك ترفضك وهذا الشي من صميم قبيلتكم خل بنات القبيله في كبود ابائهم وتزوجلك اجنبيه ( رغم اني اعرف الكثير من الاسر السعوديه حاليا صايره تدور على ستر بناتها والمهور بسيطه ) والا عندك السعوديات المتجنسات ( يمنيات في الغالب ) مهورهم مهي غاليه ولاتنسى اهم شي الدين والاخلاق.
اقتباس:
|
الاجنبي يقدر يعيش بـ1000 ريال لاعزايم ولاجوال ولاثابت والمستشفى اصدقاءه مايقصرون ولايدفع مهر غالي ولايشتري بيت ولايتمشى وغيره وغيره وغيره
|
طيب اتمشى روح البر والا اجلس على البحر وجيب قهوتك من البيت والعزايم على قدك ياخي ايش انت تبي كل الشعب غني لابد في اغنياء وفقراء والمستشفيات الحكومه ماقصرت كل شي مجاني والبيت مو لازم كل واحد يملك وبرضه ممكن تقدم وتنتظر تجيك بيت منحه من الحكومه.
اقتباس:
انا توظفت بـ 1500 ريال يوميا 25 ريال عشان الليموزين لمده شهر
25 * 30 = 750ريال الناتج اضربه في 2 فترتين دوام صباحيه ومسائيه
750 * 2 = 1500 ريال سعودي
هذا الراتب راح بس على ليموزين
|
ليه ماتركب باصات ( الحاجه ام الاختراع ) وبتوفر ويصير مشوارك مايزيد على 10 ريالات والا دور سكن قريب من العمل وتوفر حق المواصلات.
اقتباس:
ثانيا ياعزيزي القطاع الخاص يبي واحد يقول ياعمي سم ابشر على راسي من عيوني ولايهمك لو تخرب مالطا
السعودي مايقدر يقول ياعمي عشان كذا هو غير مرغوب فيه
|
وليه مايقول سم طال عمرك يقولوا في الامثال ( اذا لك عند الكـلب حاجه قله ياسيدي ) وهذي من اخلاقيات العمل مو بس في السعوديه لكن في كل محل حتى في امريكا واوروبا لابد في تملق للمدراء ولو بطريقه غير مباشره.
اقتباس:
|
بكل صدق اجلس عند اهلي استر لي من هالوظيفه
|
طيب خلك مستور لكن لاتجي تقول الحكومه مقصره بحقي دامك للحين بتمسك في العادات والتقاليد القديمه خلك عليها جايز تنفعك.
اقتباس:
معاك حق ولكن الكرم والضيافه تختلف من بلد لبلد يعني في بلدان اذا جاهم ضيف يجيبون له فروجه من اقرب مطعم بـ 10 ريال وبلدان تعرف حق الضيف تذبح له شي يليق فيه وفي مقامه بتقول هذا اسراف هاذي وجهة نظرك انا اشوفها كرم ورجوله وهذا اللي تعودنا عليه من الله خلقنا
والجود من الموجود هذا ياخوي كلام مثالي خلك واقعي افضل ولو جاك ضيف اتحداك تعشيه بخاري
بـ10 ريال ..
|
والله بالنسبه لي حسب الضيف اذا هو يمون اقله جيب معاك عشاء تراني مطفر واذا هو بعيد شوي اعطيها كاش بوجهه واقله الجود من الموجود واعشيه ولو فول المهم اعشيه ولو مايبي ( صحبته ماتلزمني ) اجل اتظاهر بشي انا مني قده ( مابتقتلنا الا هالمظاهر ).
اقتباس:
|
لكن انك تشوف شخص من جنسيه ثانيه عربي ولا اي شي موظف بوظيفه انت احق منه فيها وراتبه انت يا ابن البلد ماتحلم فيه فهاذي طامه كبرى ..
|
اذا وجد السعودي اللي يقوم بالمهمه بنفس الكفاءة صدقني محد بيوظف الاجنبي وان كنت احس في كلامك حسد وغيره وزي اللي تقول هذي البلد بلدي ومحد ياخذ اي قرش منها غيري انا سواء كنت اعرف والا ما اعرف المهم انا اخذ فلوس ماحسبت حساب تعليم الاجنبي ومدى مقدرته وكفائته في العمل كل ذا مايهمك اهم شي ليه الاجنبي ياخذ فلوس وهو موظف وانا لا ( ناظر في نفسك وانت ترفض تشتغل وظيفه ابو 1500 وتصبر سنه وتصير مدير هم تلقاه اشتغل 4 سنين براتب الف ريال وبعدين صار مدير واخذ محلك اللي انت منت راضي تصبر سنه حتى تاخذه )