اقتباس:
الاخ v2
اول شي انا ماقولتك شي والنقاط اللي ذكرتها انت لو تقراها بمعنى الكلام ( اتحدث فيها بشكل عام )
طيب نحسبها حسب معيشة اهل مكه <= اعترفت اني من مكه
وضعك انت ( شاب عايش مع اهله من غير زوجه وطفران طول الوقت )
الفطور : سندوتشين كبده مع بيبسي ( 5 ريال ) <= ولو تبي تغير فول وتميس صاروا ثلاثه ريال والا نفر تقاطيع برضه ماتعدى خمسه ريال ( حلو )
الغداء : كباب وببسي 12 ريال ( نص شوايه نفس السعر وبرضه نص برست البيك )
العشاء : زي الفطور ونفس السعر تقريبيا
المجموع: 5+12+5= 22 ريال في اليوم وفي الشهر 22×30 = 660 ريال.
كذا اكلت انت والسكن على قولتك مجاني في بيتكم.
1500 - 660 = 840 ريال
طيب ماعلينا في هالنقطه 
|
انت عايش عند اهلك وتاكل من المطاعم ؟؟ شي غريب والله
عشان كذا اقول لك انت ولد نعمه
انا ما آكل من المطاعم اكل مع اهلي اي شي يسوونه يعني ما ادفع شي الناس تبي تاكل آكل معها ما بكلفهم شي
لكن انت تحسب كل الناس
ياكلون من المطاعم مثلك وهذا خطأ
اقتباس:
|
اختلاف بيني وبينك في العادات والتقاليد ( ربما ) لكن كلامي يفيد الناس الغلابه اللي اهم شي عندهم ( اكل عيش يومهم والنوم مرتاحين من الديون ) واللي يبي يكرم ضيفه يسوي اللي يبيه هو حر حسب عاداته وتقاليده اكرم ضيوفك مثل ماتبي ولما يمشي الضيف لاتنسى ترجع الديون للناس وهم شي توصي الضيف يوم يروح بيته يقول عنك ( اكرم من حاتم ) جايز كلامه ينفعك ويكثروا ضيوفك اكثر
|
ماهو مشكله يا اخي الرجال عندنا
يهمهم بياض الوجه عند الرجال
وانا
ماوقفت في الشوارع وقلت ياناس اللي يبي يجي ضيف حياه الله لا
انا قلت لو جاني ضيف بسوي شي يليق فيه وفي قدره
ويقول عني
اكرم من حاتم احسن مايقول عني
ردي وعفن وبخيل
وفعلا إختلاف العادات له دور في
عدم استيعابك أخي الكريم
اقتباس:
وليه من اول شروط قبولك للعمل هو تأهيلك عند البنوك حتى تاخذ منهم قرض
اقلك ترى القروض كلها ربا وتسحق بركه المال وبتغنيك يوم وتفقرك اعوام.
|
سبحان الله
ليش تتهم المسلمين بالربا والسحت وسحق البركه
اللي يشوف كلامك يقول حنا في بلد كافر ماهو في بلد الاسلام
وطبعا من اول شروطي عشان ياطويل العمر
مثلا اقدر اشتري
سياره بدال ما ادفع راتبي كله لليموزينات وبرضو عشان لما ابي اتزوج أكون على الاقل
وفرت متطلبات الزواج واشياء كثير ايضا
والا تبيني اجمع واحوش ؟؟ يعني بيصير عمري 6000 سنه ماتزوجت
اقتباس:
|
اول شي قوله تعالى: (وأنكحوا الأيامى منكم والصالحين من عبادكم وإمائكم إن يكونوا فقراء يغنهم الله من فضله والله واسع عليم) بعدين مين قالك ان الزواج ماينجح الا بالفلوس ياخي معظم الفقراء سعيدين وروابطهم الاسريه قويه اكثر حتى من الاغنياء وايش فيها لو هي تشتغل وتساعدك في المصروف مابقول تصرف عليك وانت في البيت بس انت تشتغل وهي تشتغل لو راتبك انت 1500 وهي 1500 مع بعضكم صرتوا 3000 ريال وهي شريكه حياتك مافيها شي والا برضه شغل المرأه عيب ؟؟؟؟
|
اولا الزواج يبي مهر وشبكه وتكاليف ليلة العرس <<
والا هالاشياء ماتعرفها ؟؟
لو كان علي انا مو مشكله بس هل معقوله اتزوج بنت الناس بدون مهر ولاشبكه ولا حفلة ؟؟
يمكن عندك معقوله
وثانيا
ليش تفرض شي ماهو موجود ليش تفرض اني بتزوج وحده موظفه ؟؟ لايكون تعلم الغيب
الحين الرجال ماهم لاقين شغل تبي النساء يلقون شغل ؟؟
الا اذا تبي اشغلها
استقبال في فندق هذا موضوع ثاني
وثالثا شغل المرأه ماهو عيب
اذا كانت ماتختلط مع الرجال لكن تختلط مع رجال مو بس عيب حتى حرام واذا عاد تبي
تعترض على حكم ربك هذا بعد موضوع ثاني
اقتباس:
طيب شوف انا بعطيك قائمه وانت سوي مثل ما اقلك وبتعيش باذن الله سعيد.
دور بنت الحلال اللي اهلها يبون الستر لبنتهم وناس تكون صالحه وعلى دين وخلق ( اكثر اهل السعوديه كذا باذن الله ) وتزوج.
لنفرض ان زوجتك تشتغل وراتبها 1500 وانت راتبك 1500 ريال وتعال نحسبها.
1/ ايجار بيت 10000 ريال سنويا ( غرفتين وحمام وصاله ) في حاره شعبيه عاديه مو لازم تسكن فيلا ( 835 ريال بالشهر ).
2/ مقاضي الشهر 500 ريال اول الشهر و300 ريال ( عيش وببسي وجبن لباقي الشهر ) يعني المجموع 800 ريال.
3/ كهرباء وصرف صحي ومويه 150 ريال بالشهر.
المجموع: 1785 ريال بالشهر.
4/اشتري سياره ايفو بالتقسيط والا اي سياره صغيره ( قسطها الشهري مايتعدى 700 ريال ).
بقيلك من دخل اسرتكم المتواضع حول 500 ريال خليها للمصاريف الاخرى ولاتنسى شوي شوي راتبك بيزيد وراتب زوجتك بيزيد ان شاء الله والاوضاع تتحسن اهم شي البدايه والاقتصاد والاحساس بالمسئوليه ولاتجلس في بيتك اشتغل الحين ودور على وظيفه ثانيه لو لقيت افضل انتقل وكل ماتلاقي وظيفه افضل انتقل لكن نجلس في بيوتنا ونقول ياوظيفه يامميزه تعالي صدقني عمرها ماتجي
|
يعني انت تبيني وانا رايح أخطب
اقول لأبوها بنتك موظفه ؟؟
وكم راتبها ؟؟ عشان تساعدني
وثاني شي
مدري ليه انت بس تفرض اني متزوج من موظفه
لو مشيت معاك زي مارسمت انت
بالضبط مع اختلاف المناطق والاجارات بس بمشي معاك
تقول
يبقى 500 ريال
طيب بما انك من اليوم تفرض انا بعد بفرض ان زوجتي مرضت علي ومستشفياتنا انت عارفهم
مسكن وخرابيط بوديها مستشفى خاص يعني
الـ 500 يبقى منها 350
طيب اللي متزوجين مايصير عندهم
جوال ؟؟؟
وزوجتك بعد بدون جوال ؟؟
وحتى
ثابت مافيه طيب مانبيه مو مهم
السياره ماتبي
بنزين او عندك
اختراع يمشيها هلى افتراضات ؟؟
ماتبي زيت وصيانه
وماتبنشر ؟؟
زوجتي ماتبي
ملابس واشياء خاصه فيها والا تبي البسها خيشه ؟؟
عشان كذا ياعزيزي انا قلت لك اللي مو قد الزواج لايورط بنت الناس معاه
واشياء كثيره جدا تصير ماذكرتها لك
اقتباس:
وشوف حكومة اليمن الشقيق على سبيل المثال رفعت عليهم البترول وارتفع كل شي معااه للحد اللي صار ايجار البيت لحاله اغلى من المرتب لكن برضهم الناس عايشين ولاتنسى الكويت كلها على بعضها مايوصلون مليون شخص وقطر والامارات ودخلهم يعادل دخل السعوديه ويزيد بعد علينا الحكومه هنا لما تبي تسوي خط بري يوصل مكه بالرياض بيكون طول الخط مش اقل من 1000 كيلو الكويت كلها ماتوصل ربع هالمسافه ( حجم البلد كبير والسكان كثيرين والحكومه مؤديه جهدها على قد ماتقدر اكيد في قصور في العمل واكيد في سلبيات لكن اللي مايشتغل مايخطىء )
الكويت لو اعطت كل مواطن عاطل 1000 ريال بتطلع عليهم 1000×100000 = مئه مليون
السعوديه لو اعطت كل واحد 1000 بتصير 1000 × 2000000 = اثنين مليار.
ولاتنسى ان هالخطوه بتنشىء جيل عاطل ويكفي الدلع والكسل اللي في شبابنا الحالي ( يعجبوك شباب الكويت والا ايش رايك فيهم لانهم حسب ماشوفهم ناس سامجه ومجتمعهم جالس يتدهور ومصاله واستمياع لابعد الحدود حتى الجنس الثالث عندهم صار يطالب بحقوقه وانواع الهياط)
خلي الشباب يذوق طعم العمل.
تعرف ان اقل راتب معتمد للسعودي هو 1500 ريال؟؟؟؟؟؟؟؟؟ بس ترى بعض الشباب يقبل باقل من كذا ومايعرف يطالب بحقه اللي وضعته الحكومه
|
طيب ليش تقول
لاتقارن السعوديه بالكويت ودول الخليج وانت
جالس تقارن السعوديه باليمن السعيد
اليمن الشقيق
من افقر الدول على كوكب الارض اسأل الله ان يرزقهم ويوسع عليهم
والسعوديه
أكبر احتياطي نفط في العالم وميزانيتها الاخيره فوق 400 مليار وانت تقارن بينهم
ياخي انت مدري وش فيك
وتقول عايشين والدليل مئات الآلاف متسللين من
الحدود للعمل وللشحاذه في مكه
طبعا هذا غير النظاميين ..
تضحك على نفسك انت
لما اليمن ترفع سعر البترول فهي
دوله فقيره ..
بس لما السعوديه بجميع خيراتها ونفطها
تهمل المواطن وحاجاته هنا لازم نوقف ..
اتفق معاك بالنسبه لدول الخليح لاعدد سكان ولا مساحه عشان كذا هم عايشين احلى عيشه
ماليا اقصد
قطر مثلا
تفرها ينصف يوم بينما السعوديه قاره بأكملها
لهجات مختلفه و
عادات و
تقاليد مختلفه
والامارات نسبه الشعب الاماراتي فيها ا
عتقد 13 او 14 بالميه والباقي اجانب
عشان كذا
نفطهم مكفيهم وزياده والله يزيدهم اكثر واكثر يستاهلون..
بس انت نسيت شي مهم وهو ان في ناس في وطننا الواحد راتبه 50 الف
ليه هو عالم ذره ؟؟ ههههههههههه
تخيل واكثرهم من
جنسيات أخرى يعني وين العدل واحد راتبه
50 وواحد راتبه 1500
اللي يشوف الاول يقول
هذا يصنع قنابل نوويه
لو الدوله اخذت منه هذا واشكاله
1000 ريال واعطتها لموظف معدوم راتبه
1500 صار عنده
2500
يعني اموره بتمشي وابو
خمسين الف غير راتبه جالس يطلع بالشهر خمسين الف
تجاره مشروعه وغير مشروعه وعماله بنقاليه بالشوارع ..
هذا هو مفهوم
التكافل اذا ماتعرفه
وبالنسبه لشباب الكويت المسألة مو يعجبوني او لا المسأله
من العيب الحكم على شباب بلد كامل بفعل افراده منه
صحيح وجود الذين ذكرتهم مدلعين ومدري ايش بس مو كلهم كذا وانا اتكلم عن دور الحكومه وليس عن
ردة فعل المواطن عندما ياخذ حقوقه
والخطوه ماراح تنشأ جيل عاطل لأنه ببساطه انت
بتعطيه الف ريال ماراح تعطيه
10000 ريال
يعني زين تكفيه أكل له ولزوجته
يعني لو عطيته 1000 ريال بالشهر
لازم يصير زي ماصار مع بعض الكويتيين ؟؟
يااخي انت مدري كيف تشوف الامور
واعطيهم 2 مليار احسن او انهم
يموتون من الجوع والبرد احسن ؟؟
انت إلى الآن غير مصدق ان الشعب السعودي فيه عائلات تحت خط الفقر بمراحل
صدقني وان مابغيت تصدقني هذا شأنك
الدوله بخيراتها قادره على ان تجعل المواطن السعودي
اقل بؤسا ً
وقادره على انها
تجعله قادر على مواجهة الاسعار المرتفعه والجشع
وقادره على ان ترجع للمواطن السعودي
هيبته وهيبة جواز سفره
وقادره على ان تظفر بكل مشاريع التنميه التي بدورها
ترفع من شأن الموطن من كل النواحي
وقادره
على كل شي بإذن واحد أحد ..
ولكن
هناك أناس يسعدهم هذا الفقر والجوع والموت في بيوت الصفيح
ليحلو لهم الجو ويجمعوا اموال العباد في بنوك سويسرا وأخواتها
حسبنا الله ونعم الوكيل