انتي رايحه تتسوقين والا تستعرضين؟؟؟؟؟؟ ومحلات الماركات كل شي يكون مسعر مثل ماتفضلت الاخت مقاطعتهم &حارقتهم وباكثر من عمله والا انتي تروحي الحراج كاشخه وتتقضي من هناك؟؟؟؟ وعلى العموم اذا شفتي السعر غالي ( يختي ) لاتشتري روحي محلات ( ابو 10 ) واشتري محد ضاربك على يدك.

ايه والله جزاهم الله خير اذا هالشي موجود اقل شي يشيلوا اموالنا من اللي يسرقوها مننا ودامك تشجعي على التسوق من الخارج ( ومركزه على الدول الاجنبيه يعني امريكا وبريطانيا وغيرها ) وعندك تذاكر السفر واجازاتك تقضيها هناك ( حتى مصر والمغرب مهي على مقام اختنا الغاليه ) رجاء لاتدخلي منتدانا البسيط اللي اهم طلباته ( ننزل سعر الخبز واللبن والارز حتى نقدر ناكل كل يوم وجبتين فقط مو ثلاث ) وارحمي اعصابنا من تفكيرك واللي يرحم والديكي مابقي الا شوي وننفجر.

في شي اسمه التنافس بين التجار وعمليات دعائيه مثلا هايبر بنده ينزل سعر الحليب ويخليه بريال ويرفع سعر اللبن عشره ريال ( ضرب وحده بالثانيه وحقق نفس الربح ) وينزل اعلان للناس ان الحليب بريال ولما يجي الواحد ويحط رجله في المحل بيتشاقى يروح سوبرماركت ثاني حتى يشتري اللبن بفرق ريالين ويقول مشيها هالمره.

فماتقدر تنظم شي ولو كل السوبرماركتات نفس السعر وش فايدتها خلاص نسوي جمعيات تعاونيه زي الكويت ونرتاح.

يا اخي لو يجيب تراب من الثمامه ويقول ما ابيعه الا بمليون هو حر ( تبي تشتري اشتري ماتبي تشتري امشي منت ملزم تشتري وراعي السلعه مهو مجبر يحطلك سعرها زي ماتبي انت حتى تشتري ) مادامت سلعه مهي من المواد الاساسيه للحياه مثل الرز والحليب واللبن وغيرهم.

استغرب من ناس تقول لقينا ساعه بمليون ريال رغم ان سعر تكلفتها 10 ريال ( وش دخلك لو عاجبتك اشتريها مهي عاجبتك امسك الباب وامشي ) ولو موضوع التكلفه قاهرك خلاص روح سوي ساعه زيها بالتكلفه اللي تبيها وبيعها انت ياخي واكسب على كيف كيفك لاتغث البشر بكلامكم عن قشور وتنسوا الاهداف الاساسيه.