الحل صعب شوي وان كان مهو مستحيل.
المطلقات والارامل< لازم تغيير نظرة المجتمع لهم وهالشي مو سهل يوم تحاول تغير قناعات قديمه تعود عليها الكثير وتربوا عليها وفي جانب ثاني وهو قبول النساء انفسهم لازواجهم بالزواج من اخرى وان كان هالشي مستحيل.

المعلقات < نسف وتدمير واستئصال المتسبب في تعليقهم سواء كان اب او اخ او حتى تمسك بعادات قديمه وتنافي تعاليم الدين وان تنصب الدوله كولي امر للمراه اذا تقدمت بشكوى بحجه تعليقها من قبل اي شخص وتنظر في امرها فان كانت انسانه تطلب الستر وولي امرها رافض بحجج واهيه تعزله الدوله وتتولى هي زواج المرأه هذي وحبه حبه كل ولي امر بيخاف على نفسه من البهدله ويبطلوا التعليق لابارك الله في من علق امراه.

اللي تلاقي عنف من زوجها < هذي لازم نوجد في المستشفيات دكاتره واخصائيين اجتماعين خاصين بمشاكل الزواج واذا اي انسانه تعرضت للعنف تتدخل الحكومه برضه بالنصح والارشاد واخضاع الزوج للعلاج النفسي والا اتخاذ اللازم بما يرعى شرف وكرامه المرأه ولاننسى صرف معونه شهريه بمبلغ مناسب لوضع المرأه.

هروب الفتيات < ماتهرب البنت من بيت اهلها الا بسبب ولازم ندرس الاسباب واللي غالبيتها تعود الى عدم تفهم الاهل لنفسيه البنت وضعف الوازع الديني والاخلاقي للبنت نفسها والخوف من العقاب المبالغ به في حالة ارتكابها لبعض الاغلاط الكبيره نسبيا وهالشي مفروض نوقفه من البدايه عن طريق تقويه دور المرشدات الاجتماعيه في المدارس وقربهم من البنات اللي يلاحظن في تصرفاتهم اغلاط لان حل مسببات المشاكل يؤدي الى عدم وجود المشاكل من الاساس وبنفس الوقت المحاظرات اللي يلقوها الشيخات والقادرات من السيدات في المدارس ويتم التطرق لهذه المشكله والنصح فيها وياليت لو في توعيه شعبيه برضه بتفيد كثير ( رغم اني للحين ما اشوف ان الهروب تحول الى ظاهره كبيره).

العنوسه< اقضوا على اسبابها واولها غلاء المهور ورغبه الاهالي في رواتب بناتهم وعادات قبليه من نوعيه البنت لولد عمها والحلول صعبه شوي لكن يبيلها الدوله تحط قوانين بهالشي وتريحنا من شيوخ القبائل اللي عمرهم مابيتفقوا على شي مفروض الدوله تحدد معيار معين للمهور وتصرف مساعدات قيمه للشباب المقبل على الزواج واذا في اب مقفل مخه ويبي راتب بنته تروح البنت المحكمه وتصير الدوله هي ولي امرها وتزوجها غصب عن ذا الاب وياليت لو تشهر بالاب حتى يتردع باقي الاباء ويفكونا لان تسعين في الميه من العنوسه سببها الاباء الله يهديهم.

لو حبيتي تنقلي الموضوع او تغيري عنوانه بكيفك يا استازه عميده المنتدى :d

<= وش رايك فيني لما احكم عقلي ابرك من المهاوش :d .