اقتباس:
|
اخوي انا ما اقول مظاهرة ظد حكم او ظد انقلاب انا اقول مظاهر لما يحصل من غلاء والمظاهرة موجه من خلال العلام ليراها خادم الحرمين حفظة الله لكن عدم وعيك ووعي غيرك يسميها مظاهرة علا فكرة والله حالي احسن منك وانا احلف بدون علم غيب ومستعد باثباتات مديا افضل والحمد لله وبخير ونعمة لكن انا عندي غيرة علا اخواني واخواتي المسلمين تعرف لو كتب لي الموت من اجلهم والله احسن منك لئن الشيئ هذا مرفوظ والعقل الذي لا يفهم ما يكتب لابد من علاج لة
|
احنا بلد غير كل البلدان والمظاهرات ممنوعه حتى لو سلميه ممنوعه افهم هالشي والملك عبدالله توصل له الاخبار اول باول يعرف بكل شيء والملك عبدالله نزل بنفسه وشاف بيوت الناس كيف صارت ومافي شي يخفى على الملك بس مستحيل يصلح كل شي في يوم وليله مهما كان يظل رجل واحد والبطانه اللي تحته معظمها فاسد ومنتهي الصلاحيه ادعوا ان الله يوفق الملك لما يحبه ويرضاه سبحانه وينقذ هذا الشعب المسكين من كل مكروه.
اقتباس:
|
كاتباتك الي تكتبها هنا كم يوم اعلن عنها يوم يومين اسبوع هههههههههههه والان صارت من الماظي كل يوم تكتب وتتعب وغيرك كتب وتعب الين تأتي منيتك وانت لم تفعل شيئ سوي الكتابة تدري احسدك علي عقليتك ودامك شكرت الي حذف موظوعي انا اشكرة من كل قلب لئني عرفت ان هناك امة خائفة ولا تدير عقلها بالشكل الصحيح هذا المنتدي ودعوتك لة انه يقفل ليش يقفل لكتابتي التي كتبتها وحذفت الحمد لله عرفت الان ان هناك اناس قرئتها وجاتك ردود كل شخص ورئية
|
كتاباتي اللي اكتبها هنا تفتح عقلي اكثر لما اشوف ردود الناس عليها واشوف وجهة نظر مختلفه عني واشغل عقلي اكثر فاذا كانت وجهه نظر صائبه اتعلم منها اللي يفيدني واعمل بها واذا كانت وجهه نظر خاطئه اقول الحمدلله رب العالمين على اللي عندي وان كنت تقصد الخوف فنعم انا خائف على نفسي وعلى اولادي وزوجتي وابوي وامي اذا حصل لي شيء مين بيعيلهم في هذا الزمن الله كريم ويرزق من عنده لكن برضه الانسان يفكر وباب يجيك منه الريح سده واستريح لاتنسى وش نستفيد لو طلعنا بمظاهره ؟؟؟؟؟؟ بيكفخونا العساكر وسجن فتره وبعدها نطلع بتعهدات وصدقني مابيتغير شيء ابدا من الاسعار .
اقتباس:
|
لكن لا تحرض المنتدي واهله علي بقولك كويس انك حذفت الموظوع القناص كان يبغا يسوي مظاهرة القناص اكبر بكثير من رميك بالكلام ولو انك قرأت موظعي صح لعلمت ما ذا يريد القناص القناص معروف في كل مكان يقول كلمة الحق لو علي رأسه القناص لقب لي هنا وانا معروف بابو طلال رجل اعيش ورجل اموت دون خوف رح حاسب من سمح لعار المسلمين بالتنقل والسكن بدون محرم انتم فالحون علي بعض فقط يا عرب لكن علي كلمة حق تجد الكثير من امثالك يواجهها بشيئ من الافتاء وهو حرام تحرمون ما احل الله وتحللون ما حرم الله ==لا حول ولا قوة الا بالله انا لله وانا الية لراجعون
|
ماحرضت احد عليك ولا انوي هالشي انت تضل اخ في الله بس حبيت اوضحلك ان هذا المنتدى الحين تحت نظر الاعلام ودائما يقولوا ( اقتل السوسه وعادها صغيره لاتكبر ) واذا شاف بعض المسئولين ان المنتدى بدى يتجه الى التحركات والمظاهرات بيقفلوا علينا المنتدى ووقتها ايش نستفيد ؟؟؟؟؟؟؟؟؟؟؟؟ هذا المنتدى قائم على سياسه معينه ولازم كلنا نتبع نفس السياسه وتتوحد جهودنا في بوتقه المقاطعه وكذا بنسوي شي وبيكون لنا صوت اما لو تفرقت جهودنا فهذا بيقاطع وهذاك بيسوي مظاهره والثالث بيكسر المحلات فالموضوع بيصير فوضى وكفايه فوضى خلاص كافي.
انت اغنى مني او انا اغنى منك هذا شي بعلم الله بس صدقني انا يوميا اقول الحمدلله رب العالمين على اللي عندي واقول يارب ارزقني من خزائن ملكك وارضي ابوي وامي وبأذن الله مني مقصر على زوجتي بشي ولا اخونها ابدا وانام ليلتي وانا مرتاح البال وسعيد وراضي باللي ربي كتبه. وش ابي اكثر؟؟؟؟؟؟؟؟
للمعلوميه معظم كلامك فيه اخطاء املائيه كبيره فاذا كنت انسان متعلم مستحيل تقبل بهالشي وان كنت تكتب مستعجل اتمنى انك تراجع كتابتك وياليت لو تنسق موضوعك على شكل نقاط حتى يفهم الجميع الشي اللي تبي تقوله لنا ومنكم نستفيد.