اقول خلودي كيف الحال؟؟؟

موضوعك عجبني وقهرني بصراحه في نفس الوقت

تقول اول كان ربحك زين وكنت تربح في السلعه اكثر من 20 ريال ويوم رفعوا عليك السعر قل ربحك وهالشي ضايقك ؟؟؟؟

طيب وينك اول يوم كنت تربح اكثر من 20% ليه ماقلت انزل السعر ويصير ربحك بسيط جدا والا يوم ارتفعت عليك الاسعار وصرت ملزم بمعدل ربح بسيط زعلت وقمت تقول الاسعار ارتفعت؟؟؟؟؟

انا كمستهلك الحين زعلان يعني اول سعر القطعه تكلفه على سبيل المثال 40 ريال وانت تبيعها علي ب 60 ريال يعني كنت تاخذ مني 20 ريال لجيبك والحين سعر السلعه ارتفع على الجميع وربحك صار مايتعدى 5 ريال بالنسبه لي انا راضي ومني زعلان لكن انت ليه زعلان ؟؟؟؟؟

اذا المستهلك دفع السعر الجديد والسلعه انت بعتها ليه تزعل الا لو كنت زعلان لان نسبه ربحك انخفضت فهالشي انا مابتدخل فيه خخخخخخخخخخخ.

ثاني شي انت تقريرك طلع كل شي في السوق تجاري رغم انه معروف المحلات اللي تبيع التجاري ومعروفه مناطقها والمستهلك اصلا مهو غبي يوم يروح البطحاء ويطلب كوكو شانيل < معقول مهو عارف انه تجاري يوم يقولوا له سعره 50 ريال وسعر العطر معروف انه فوق 300 ريال خخخخخخخخخخخخ.

والكريمات والعطورات كلها معروف التجاري ومعروف الاصلي وفرق السعر معروف بس شكل التسوق في الشعبيات مؤثر عليك والا انت قلي محل يبيع كل شي من خردوات وكريمات اساس وكريمات مكياج وعطور واحزمه وفي سوق شعبي تتوقع انه جايب شي اصلي؟؟؟؟؟؟.

ذكرتني بسوق المقاصيص خخخخخخخخخخخخخ.

وفي موضوع مهم جدا انت شكلك تجاهلته والا قاصد ماتتكلم فيه ما ادري هو خوف والا وشو بس ياخوي يوم تبي تطلع بضاعه مغشوشه والا اي شي خلك جريء وصريح وتكلم قول المحل الفلاني في الشارع الفلاني يبيع كذا كذا مغشوش وسعره كذا وصاحب المحل كذاب لاتجلس تقول محلات في البطحاء ومحلات مدري وين تكلم بالاسم ومارس سياسه التشهير ( مادام متاكد من كلامك ماعليك بشيء ) كلنا نستفيد وندعيلك اما بس تحط شفرات والغاز وجاري البحث عن الكنز < نفس سياسه وزارة التجاره وش استفدنا احنا؟؟؟؟؟

الله يعينك على خسارتك وودي اقترح عليك مادام انك عارف كل هالبلاوي في السوق وعندك راس مال ماشاء الله عليك وسافرت الصين ليه ماسويت صفقات مع مصانع وطلبت منتجات درجه اولى وجبتها هنا وبعتها دامها بهذا الرخص ليه ما استغليت معرفتك بكل هالسوالف واشتغلت وطلبت الله الرزق الحلال والا انت منت تاجر ؟؟؟؟؟؟؟