ممكن سؤال وجاوبوني عليه بصراحه

وش اللي خلاكم تبيعوا بيوتكم وسياراتكم وذهب نسائكم وتسحبوا ارصدتكم في البنوك وتطلبوا تقاعد مبكر وتتدينوا من البنوك وتاخذوا قروض بفوائد مايعلم بها الا ربي ؟؟؟؟؟ وتحطوا كل اموالكم في سوق ماتعرفون اساسه ولاتعرفون بدايته ونهايته ماغير تدربوا روسكم وتتفرجوا على قناة العربيه وتسمعوا كلام الناس وقصصهم عن فلان اللي كان شحات ودخل في الاسهم وصار مليونير ؟؟؟؟؟؟؟

وش اللي جبركم ؟؟؟ الحكومه ماجبرتكم ولاشجعتكم ولافي شركه نزلت اعلانات في التلفزيون وقالت الحقوا فرصه ذهبيه؟؟؟ طيب وش اللي خلاكم تساهموا في سوا بمبالغ وتدخلوا مساهمات بمبالغ فوق 300 مليون ؟؟؟؟

والله ثم والله هو الجهل والطمع والرغبه في الربح السريع

والقانون لايحمي المغفلين

اتخذتوا قرار دخول السوق بايديكم واخترتوا الناس تنصب عليكم بايديكم وتحدى ثم اتحدى كل واحد دخل سوق الاسهم انه ماربح كلنا دخلنا وجانا ربح بس الطمع يخلينا نقول نبيع بكره بيرتفع اكثر ولما السوق يدحدر لتحت نبكي ونقول ياحكومه رجعي فلوسنا

شعب فاشل لازم نعترف بهالشي احنا فاشلين ونستاهل كل اللي يصير لنا لاننا تركنا الركن الاساسي وهو العمل وصرنا نبي الربح السريع واحنا في بيوتنا.

ابوي دخل بميه الف ريال اشترى في البنك البريطاني وقال خلها ترتفع وصل ربحه الى 20 الف ورفض يبيع يبي تدبيله والحين طاح السوق وخسر اكثر من 60 % وكانت درس له والوالده دخلت في صناديق الاستثمار في اكثر من بنك ووصل ربحها الى اكثر من 400 الف ريال وطمعت تبي المليون والحين تبي راس مالها بس يرجع ولاهو راضي يرجع واخرتها الارتفاع الاخير خسرانه اقل من 5 الاف ريال وتقول لا ابي فلوسي كلها ( الطمع من جديد ) والحين دحدر السوق ومازالت تقول بيطلع وبنتظر فلوسي

وهذا الموظف هو محاسب وراعي البنك محاسب واحنا كمان محاسبين على غبائنا وعلى اموالنا اللي درعمنا بيها لكل الحراميه والسارقين بغبائنا وبكيفنا وبرضانا محد غصبنا.