منتدى مقاطعة - عرض مشاركة واحدة - الناشطة وجيهة الحويدر تقود سيارتها في السعودية لتأكيد حق النساء في قيادة السياره

**كاش** · 11-03-2008, 06:32 AM

طبعاً اللي حاط رجل على رجل وعياله حوله .. ووجوده مثل عدمه في البيت .. استراحات وسفريات وكشتات ومعارف وماني عارف ايش .. وسواق رايح وسواق جاي .. ما هو حاس بالمسؤوليه مثل اللي ما عنده في البيت الا بنات .. أو ان راعي البيت ارتباطاته العمليه كثيره .. أو اللي ممكن الصبح عنده مهمه في الشمال ويرجع العصر يلقى مهمه تنتظره في الجنوب .. هل ظروف مثل هذولا ما يشملهم العطف والرحمه والتجاوز من العامه بأن يخلون حريمهم يسوقون للحاجه .. أو علشان نظرتنا فقط للبنات انهم مصدر شر وذنوب تتحرك وعار ينوسم على الوجه لمجرد انها تعطس .. ويجي اخونا بالله يرفض الفكره من الأصل لأن فلان قال وفلان قال .. مع ان الأصل في رفض الفكره من فلان ان كثير من العامه ما هو محترم نفسه .. ما هو لمجرد الحرام .. بعد كذا تجي طبقه ثانيه من العامة يشوفونها عيب .. لأن المصدر التشريعي ما حرّمها من الأساس .. ولكن تعذر قبولها من علماء الدين وعدم تطبيقها من الجهات الحكوميه لأسباب أخلاقيه .. ناسين ان الحريم يسوقون في أطراف المدن والقرى .. هل يا ترى الحرام اللي اتبعوه طبقة الحرام من العامه فقط يسري العمل به في داخل أرجاء المدن حتى يكاد يتلاشى مع الابتعاد عن المدينه .. أو ان القضيه باعتقادهم ان الله سبحانه وتعالى يحاسب من في المدن فقط .. أو ان العيب فقط في المدن .. أما في القرى بما أن القضية ما فيها عيب إذاً ما هي حرام .... تحياتي
على فكره : صدور أمر إقامة المرأه في الفنادق ...... إذا حكى "الشرع" الكل ياكل .......... كيف الحال