والله يا خوك المسألة تحير التهجم مستمر على رسولنا الكريم صلى الله عليه وسلم والمشكلة الموضة قاعدة تنتشر بين دول الاتحاد يعني خلصنا من الدانمارك طلعت هولندا والفيلم المسيء والبقية قادمة بالتأكيد وياقلب الله يصبرك على القهر .. المقاطعة جابت نتيجة اول مرة لأنها كانت مفاجئة ومنظمة واشترك فيها الجميع هالمرة ماش العالم بدت تخور والصدق طلعوا الدانماركيين مهب سهليين وصناعاتهم مالية البلد وبعضها تونا ندري عنها..
الحل مايقتصر على المقاطعة الناس بتقاطع يوم ويومين بس اذا خفضوا التجار على البضايع المكدسة بيشترون الناس ويخلون المقاطعة على جنب مع هالغلاء كل يبي التخفيضات ولسان حالهم يقول :الله واكبر ماضر الدانمارك الا مقاطعتنا" المفروض يصير التحرك على مستوى التجار والدولة في مسألة المقاطعة ..
ومن ناحية ثانية الدعوة الى الله لازم تنشط وتوفر المواقع المعرفة عن الاسلام بجميع اللغات لأن هذا الوقت الكلام كثير عن الاسلام وكثيرين يبغون يتعرفون عليه وهذا لازم ينبذل فيه جهد اكبر.......... فالاسلام بعث رحمة للعالمين فيجب ان يكون عندنا اساليب رد متعددة .