مرحبا فيك اختنا هدهد لي عوده للاجابه على موضوعك انما على قولة الاخوان المصريين باي زا وي... بصراحه اني فقدت الشكشوكه من كم اسبوع وحاولت ابحث عن بيض آخر بديل كبيض النعام او السمان او حتى الصعو .. مافيه فايده. البارحه كنت في بنده الا واخز بطرف عيني ذاك المنتج الابيض اللي فقدته من فتره ليست بالقصيره.. قربت منه ولمسته وعلى طول تذكرت رائعة ابونوره الاماكن كلها مشتاقه لك.. الا ويطلع بيض الوطنيه اطالع في السعر الا واصاب باءحباط 16.95ريال.. نعنبوذا مايستحون هالطماعين قاومت رغباتي الجامحه في شراءه وشوشو يضغط علي من جهة اخرى.. المهم انسحبت من الميدان ورحت الكاشير عشان احاسب على اغراضي الثانيه وحسابي كان 381.59ريال عطيته 400 ورجع لي 18 يعني لهف 41 هلله ومع انها لا تقدم ولا تؤخر انما استغربت هبالة بعض المحاسبين علينا كمواطنين طلبت منه ال41 هلله واستغرب من طلبي قلت له ليش ماجيرت ال59 هلله وشلتها من الحساب قالي الاداره تمنعنا فرديت عليه وليش ماتمنعكم من اللعب بالفواتير فاءبتسم ابتسامه صفراء بعدها طلعت وانا افكر في البيض وقررت اليوم اروح لسوق الطيور اشتري دجاج واربيهم في البيت عندي وسلامتكم..