اعذرني اخوي بس في مثل يقول ( حدث العاقل بما يعقل )
وفي مقوله دايمه تقول ( الله ماشفناه بالعقل عرفناه )

تبي تفهمني ان 1500 منشاة رفعوا اسعارهم ومع زحمه الصيف والطلب المتزايد على الكبائن وغيرها بتجي انت كعضو في شركه ادفعلك بس 150 ريال وانت تخصم لي بمعدل 50% في كل زياراتي الى اي كبينه من الكبائن ؟؟؟؟

طيب تعرف انت ان اي منشاه منهم تقدر تحط بنر صغير على البوابه يقولوا فيها تخفيضات 30 % وبتشوف الناس كلها تجري عليهم حتى لو كانت وهميه لاننا ناس نصدق كل شي.

على العموم انا احب احذر كل من يقرا موضوعك من هذي الحركه الشهيره المعروفه واللي صايرين نشوفها في كل الدول العربيه مثل مصر اللي يطاردوك فيها شركات السياحه على بوابة كل سوق ومركز تجاري فخم وتلقاهم لابسين ومتشيكين ويعطوك عرض وياخذوا منك مبلغ 50 جنيه والا 100 جنيه والا 10 جنيه وشرطهم الوحيد حضورك ثاني يوم مع العائله بالكامل الى مركزهم الرئيسي ومن ثم يقدموا لك عرض النصب الشهير ويخلوك تدفع مبلغ وقدره والمقابل سيء وبالاخير تلقى انك منت حاصل على شي غير ( ضاعت فلوسك ياصابر ).

اتمنى حذف الموضوع يكفينا وقفتكم عند المنتزهات والهدايا المكونه من الذهب ومساكين الناس اللي تصدقكم ياللي تبيعون الوهم.

انا هنا اتحداك قدام الاعضاء كلهم تحجز لي في دره العروس شاليه بمسبح خاص لمدة 3 اسابيع والدفع كاش بشرط احصل على 50% خصم من القيمه الاساسيه بمقابل مبلغ 150 ريال فقط وانا بدفع المبلغ كامل لحظه استلامي عقد الايجار عند بوابة الشاليه.