اخي الكريم انا معك بكلامك بس كمان لا تنسى الدراسات والخبرات يللي عم يجو فيها الاجانب لهون
وهنن بالاول وبالاخر صح عم يحصلو على راتب بس كمان عم يقدمو للبلد يللي عم يعطيهون

يمكن مو كل الفرص عم ياخدها السعوديين بس بعتقد مو الاجنبي هوي الملام ,, الملام هوي الحكومة وابسط مثال هوي عندك مثلا دولة الامارات بتشوف اننون الاولية بالاهتمام هيي للمواطنين وبيحاولو بشتى الطرق على توظيفن رجال او نساء ويدعموهون بالكورسات والسفرات الخارجية التدريبية وهالشي كمان مانو قليل وبنفس الوقت عم نشوف ماشالله عليهون اخلاق ومعاملة ولا احلى ولا اروع كل واحد بوظيفتو وتعاملو مع العميل , من مطار دبي الى اخر مؤسسة حكومية او خاصة,وكل انسان بالاول وبالاخر عم يدور ع الفرصة المنيحة حتى يشتغل ويعيش ومتل ما الاجانب (الوافدين)موجودين بالسعودية كمان نفس الوقت مو جودين باماكن اكتر , مشان هيك مالازم بس نلوم الوافدين لازم نلوم الحكومة وحتى كمان المواطنين يمكن يللي بنشوفون كتير من المرات متكاسلين عن شغلون او حتى المؤهلات يللي عندن ماهي كفاية على الرغم انو تكون ظروفون مناسبة حتى يطورو نفسون

وتحيتي للجميع بس بحكيكون الصراحة انا ماكان عندي علم انو الشعب السعودي بيكن هالحقد للوافدين وانا طول عمري كنت بسمع عن الكويتيين هالحكي وطبعا انا ماعاشرت اي شخص كويتي او حتى عشت بالكويت بس انا عم احكي انطلاقا ممانسمعه او نقراه

شكرا لردودكم يا اخواتي

ملاحظة للجميع : انا اختكم ولست اخوكم شكرا