السلام

الغنم وماادراك مالغنم صارت مولعه نار لها اكثر من ثلاثة اشهر
اسأل ليش ياجماعه رافعين الاسعار رغم العلف والشعير غالي يقولون علشان عيد الضحيه

قمت وحسبتها حسبة بدو

خصوصاً اخر ذبيحة بغيت اشتريها للثلاجه كانت عاليه السعر
والقصة اني رحت لسوق الغنم لشراء خروووووف مااااء مااااااء العيد فرحه مااااء مااااااء العيد فرحه ..من فلم بوحه محمد سعد المهم

دخلت وانا راز باالخمس ميه اللي معي
وأخش عرض في اول رشيدي قلت له كم الخروف قال يابلاش يابلاش رخيصه بس اختر أنت ((نصابين )) قلت هاذي قال : تسع ميه قلت له: لو تنزل شوي بس قال : ثمان مايه وتسعين قلت :ضف وجهك والله لو بست ميه مااشتريها يوم ضاعت ملامح وجهه مايدري وش الطبخه ..

انا عارف سوالفهم بكاشششششششين
يعني يقولك الف وينزل معك الى ست ميه بعد ما يطلع روحك
المهم تركته
والثاني والثالث والرابع ..وكلهم غالين ؟؟
قلت ياولد والله الدعوه صدق
وش السالفه ! علامكم ياالربع ليش مغلين الغنم قالوا : العيد قررررب وانت كلك مفهوميه هههههههه

قلت مستحيل اشتري بهاذا السعر تسع ميه سبع ميه مستحيل
وطلعت وانا طالع ماقدرت الا ابص بصه اخيره على حوش في الطريق
وارجع له والقى الرشيدي يهلي ويرحب طيب ياابوالشباب النهايه قال كلش غالي بس فيه تيس طيب عارضي وسمين انصحك فيه
طالعت الا ملامح التيس عارضيه ،،، اصلي ماهو تقليد
كم طيخ طاخ ...ارفع ونزل وطلع علي بااربع ميه وخمسين

اول مره اشتري تيس بهذا السعر ولم اكن مبسوطاً ولكن أخذت التيس وخصوصا الرشيدي نزل سعره من جد غير أهل السوق
وانا قدرررت سعره ولكنه لسه غالي والذبيحه طيبه واخذتها
لكن ياالله صفت لي على عشره كيلو أو أقل
طلع لي الكيلو الواحد بحوالي 50 ريال
هاذي مشكلة الغنم تحسبها بالكيلو تطلع خسران

قمت وقلت لازم اشوف خطه مؤقته الين ينزل سعر الغنم
ورحت لااكبر سوق يبيعون لحم الحاشي قصابين اشكال والوان
اكثر من عشرين محل مخصصه لبيع لحوم الجمال فقط
الفجر يتم ذبح مجموعة من الحشو مايجي الظهر الا ومشطبين غسيل في المحل
يعني لحم طازج

رحت يمهم واخذت 2 ك تجربه من لحم السنام
ياهووووووووووو رهيب والله
ممتاز
الظاهر اني ابي احول على الحاشي واخذ بالكيلو افضل من حكاية خروف بخمس ميه والنهايه يطلع سعر الكيلوا الواحد 50 ...اخذ كيلو الحاشي ولو انهم رفعوا السعر من 25 الى 30 ولكن بحسبة البدو العالميه 10 كيلو يصير 300 ريال يعني وفرت 200 من الغنم ولحم ممتاز وطازه ذبح اليوم ...وينصحون فيه الدكاتره يقولوا قليل الكليسترول ، بس لا تسوون مثلي وتاخذون من السنام ...بس والله ياالسنام ماهوب طبيعي زبده

هاه ايش قلتو