تصحيح : شركة رينو اشترت حصة كبيرة في شركة نيسان بعد خسائر الشركات اليابانيه بعد ارتفاع الين وفرضوا عليهم المدير غصن.


صيانة الحمراني فاشله حتى بعد المدير الجديد وبعد اعترافه بالتقصير سابقا

انا كرهت نيسان من الوكيل بعد مافرحت يوم قريت عن اكبر مركز صيانة لهم بالشرق الاوسط ! .. ناس مايعترفون بحجز مواعيد الصيانة بالهاتف !!!؟.. لهم ارقام بصفحتهم بالانترنت ولا احد يرد.. ولما رحت لفرعهم بالعليا رفضوا يعطوني رقم لمركز الصيانه على الدائري!؟ وقالي الموظف رح هناك وراح يدخلونك , ومع اني ماصدقت الا اني رحت لأقصى الرياض وطلع لازم حجز !!؟ يعني تروح وتاخذ موعد ثم ترجع بسيارتك الخربانه لهم.. وش فايدة المرمطه؟ باي عصر عايشين هذولي؟

الغريب ان حارس الامن هناك لما سألته فيه ارقام اقدر احجز قالي مايردون على التلفونات حتى علينا !!!!؟

العجيب كان في الرد الالي لفرع الحمراني بخريص قسم للصيانه وبعد رمضان اختفى مع انه اصلا محد يرد.. ثلاث رنات ويقطعون الخط

المهم اني ارسلت ايميل للحمراني وارسلت لفرع نيسان للشرق الاوسط بالامارات.. ارسلت قلت بس تكفون جربوا الارقام الموضوعه بصفحتهم اذا يردون عليكم.. وكان ودي ارسل لكارلوس غصن <<< يمون عليه مير زهقت



انا ماعاد لي رجعه للوكاله مع اني ماقدرت الاقي احد يصلح مشكله بسيطه بسيارتي النيسان مع انها قديمه



هم اما يخافون من التلفونات يمكن تنفجر سياراتهم !!؟ او انهم مايبون زباين مع ان الصيانة والقطع فيها مكسب عظيم لهم.. الحين عرفت ليه نيسان على كل لسان = اكيد راعيها يدور احد يصلح له سيارته !!