قرأت تقريرك وردودك كلها اخوي الغالي
وبصراحه اشك انك عايش بوسط المجتمع السعودي او ان الله منعم عليك ومو حاس باللي حاس فيه الشعب

ومع اني مو مقتنع بالتقارير والكلام اللي قلته

بس اخوي الغالي عندي كم سؤال واتمنى انك تجاوب عليه

س1/كم دخلك الشهري..مرتبك؟؟

س2/كم عدد افراد الاسرة اللي تصرف عليهم؟؟

س3/ماهي السلع الغذائيه اللتي تشتريها..وتأكل نفسك واهلك منها؟؟

س4/كم يبقى من مصروفك الشهري الذي تدخره؟؟

اتمنى منك اخوي الغالي انك تجاوب بكل صراحه على اسألتي لكي تكون قدوه لجميع من يشتكي من غلاء وارتفاع الاسعار ويحذون حذوك لكي ماتشوف احد بعد اليوم يشتكي من غلاء الاسعار وجشع التجار

ملاحظه:حاولت مااتطرق لموضوع الايجارات والفواتير وباقي المصروفات اللي يشتكي منها اغلب الشعب وركزت على ارتفاع اسعار المواد الغذائيه وللنقطه اللي تبي توصلها لنا

وملاحظ على اغلب كلامك اخوي عيسى انك كل شوي تجيب طاري الدوله والملك عبدالله وتحاول تسند نفسك فيهم..اخوي الغالي ياليت تفهم ان الشعب عارفين ان الملك عبدالله طول الله بعمره والدوله ماقصروا معنا بشي ولله الحمد واعتراضنا مو عليهم اعتراضنا على جشع التجار ورفعهم للاسعار مقارنه بدول الجوار رغم ان الدوله ماقصرت مع المواطنين لكن التجار حدث ولاحرج
فياليت يالغالي تتدافع عن التجار بعيد عن الملك عبدالله والدوله لان رايتهم بيضاء

وفي شي ثاني انت تقول ان بعض الفقراء ياخذون شهاده الثانويه ويتركون الدراسه ويشتغلون سكرتي ومايكملون الجامعه

طيب ياحلو انا اخوي متخرج من الجامعه وعنده دبلوم شبكات بالحاسب الآلى ودبلوم انجليزي وله اربع سنوات عاطل وماخلى مكان الا وقدم فيه ومالقى للحين...طيب قولي من وين ياكل ووشلون ماتبيه يشتكي من غلاء الاسعار وهو مكمل دراسته وماتركها واشتغل سكرتي
والظاهر انت ماتشوف نسبه البطاله في السعوديه وبالذات الجامعيين هذولا كلهم من وين ياكلون طال عمرك ومهم مكملين تعليمهم

وسوري على الاطاله