السلام عليكم
يا جماعة حبيت اشاركم في الموضوع من حسب خبرتي في السيارات . وزي كلنا ما نعرف انو اغلب السيارات الجديدة فيها كمبيوتر وهو المتحكم الوحيد و الأغلى ثمنا بعد المكينة في السيارة . ولا سمح الله إذا تعطل الكمبيوتر او كان فيه اي شي لا تكلف انك تمشي السيارة مهما كان علتها إذا كان غير الكمبيوتر.
عالعموم بعض الأحيان تكون في مشاكل في السيارة وتروح الشركة ويا سلام على اللطعات إلي تآخذها والأيام و السيارة هي جديده ( بس انا اتكلم على العيوم الميكانيكية او الكهربائية ) وترى ممكن تكون مشكلة القير في اليوكون او التاهو هو في الكمبيوتر يعني مو مبرمج مزبوط , كيف؟؟؟
انا اقلكم على واحد اعرفة وهو تقريبا معروف في جده وفي غيره كثير بس بالأمانه انا ما شفت احسن منه.
هذا الرجل عنده كابرس موديل 2000 اشتراه وهو عارف انو في مشكلة في القير, ورغم ذلك اخذه ليششش؟؟؟
الرجال هذا عنده برنامج يقوم بتعديل جميع سيارات Gm الأمريكية من كل النواحي ( القوة :في المكينة او القير ) عالعموم سبحان الله بهذا البرنامج قدر يخلي الكابرس يمشي معاه سنتين و هو خربان ويمشي عادي و لاكأنه فيه شي ولكن بالمقابل لو وديته الشركة كان قالولك انو يبغاله قير جديد . خلاصة الموضوع انو ممكن بعض الأحيان يكون العيب من البرمجة في السيارة ( الكمبيوتر ) انا نصيحتي اسألوا اصحاب الخبرة قبل ما تدفعوا او تخسروا كثير . انا بصراحة ودي اعطيكم رقم هذا الشخص بس خلوني اسأله في الأول وبعدين اعطيكم الرقم ممكن يساعدكم. والله يعينكم.