المشاركة الأصلية كتبت بواسطة BuDZeeh

معليش يعني .. أبغى بس أعرف وشلون انت تفكر !!!

يعني بالعقل ! هل تتوقع انت شخصياً إن الي مسوين سبونج بوب .. مفكرين بالمسلمين ؟ ولا طاقين لكم خبر يعني ؟ أو إن الفلوس أصلا ما همتهم أبد .. ولا همتهم التجارة ولا شي .. بس يعني هم سووا المسلسل عشان يخربون أطفال المسلمين ؟ سبحاااان الله ! -.-

طيب هذي المسلسلات حقت الأطفال .. كل الي مسوينها أجانب من ديانات مختلفة .. والسالفة كلها تجارة في تجارة .. ومسوين أكثرها من قبل ما يدخل شي اسمه تلفزيون عندنا بالعالم العربي .. القنوات العربية حالياً تنقل كل هذي المسلسلات حقت الأطفال .. وهذا شي طبيعي .. لأنها تبغى تعرضها فتدفع حقوقها لمنتجين المسلسلات .. وأصحاب هالمسلسلات ما جابوا خبر شي اسمه تنتشر عندنا ولا لا .. وإذا هامهم .. فيعني التجارة هي الهدف الأول عندهم ..

وبعدين الي محيرني .. إنك جالس تناظر وتدقق في الإضاءة حقت arabs got talent !! ويييينا فيه يا حبيبي !!!!؟
يعني تتوقع انهم يتعبدون بهالطريقة .. بطريقة انهم يحطون ست نقط على لمبة !؟ اكيد خذوا أجر كثير كذا صح ؟ واحنا جانا ذنب كبره كبر جبل أحد .. بس انت جيت وقفطتهم ما شاء الله عليك !! يا حبيبي ذي إضاءة .. هدفها الزينة وتجي بأشكاال كثر التراب وكل شوي يتغير شكلها !

وعلى سالفة المسجات الي تجي في mbc3 .. الكنترول ماله دخل في هالسالفة .. المسج ينرسل ويعرض على طول .. ولو تجربها في قنوات ثانية وترسل نفس المسج ... راح يصير نفس الشي ! فيعني هذي جاية من أطفال بلدك ما شاء الله عليهم .. الي على قولتك " مستهدفين "

الله يهديك بس واترك عنك التفكير المحدود في هالنطاق .. لأنهم ما جابوا خبر مسلمين ولا شي .. بس انتوا الي تبون تطلعون أشياء غصب .. !