منتدى مقاطعة - عرض مشاركة واحدة - نقل مقاطعة المراعي للمرحلة الثانية.. >> مقاطعة الشركات التي تتعامل مع المراعي.

**hajmutwally** · 07-12-2012, 06:16 PM

اقتباس:

صريح2
السلام عليكم ورحمة الله وبركاته س ماهو البديل
انا اقاطع شركة المراعي ولكن الزبادي لا اقاطعه لاني لا اجد البديل في السوق الا الصافي وهو اغلى منه
والزبادي عندنا في بريدة ينتهي الا زبادي المراعي فاذا لم اجد سواه اشتريته
هل هذا هو الحل

وعليكم السلام ورحمة الله وبركاته
وهلا بك...
اولا نشكرك على مساندتك في مقاطعة الشركة...

وثانيا: السعر تقريبا موحد بالنسبة لزبادي المراعي و الصافي الا ايام العروض ..

وبعدين يا أخيي من القصيم ولا تلقى زبادي الا المراعي .... طيب الزبادي المحلي (انتاج المزارع المحلية ) ومتوفر بكثرة في بريده وجميع محافظلت القصيم ...

والا ايش رأيك .....هنا

المشاركة رقم 5 + 6 بواسطة مراقبتنا والعميدة الكريمه جمرة غضا التميمية ردها الله لنا سالمة غانمة ......
من موضوع : نادك يبيع الزنجبيل (2 جرام) بريال (اخر صيحة) الجزء الثاني! صور حصرية للمنتدى لايفوتكم

طريقة وحدة تطلع لك اللبنه واللبن والزبادي
اول شي حليب سواء بودرة او حليب بقر طازج
يسخن على النار وقبل ما يفور (يغلي )يفقل عليه وتخليه لين يدفى (لا يبرد ) وكل لترين حليب حط عليه علبه زبادي وحركه حتى يختلط مره وغطيه وحطه في الفرن واكيد ان الفرن مهوب شغال بس نبي مكان يساعد على الزبادى على تخمير الحليب وتخليه لمده 12 الى 10 ساعات
بعدها يكون عندك زبادي جاهز
اذا بغيت لبن تاخذ منه وتحط عليه شوي مويه ويخلط ويصير لبن
تبي لبنه تاخذ الزبادي المحضرة وتجيب (انا شارية غترة مخصوصه للبنة ) وتصب الزبادي فيها وتربط الغترة بقوة تصير زي الصرة
وتحطها بمشخاله وتحت المشخالة تحط يا بادية او زبدية بس لازم تكون عميقة ماابي الغترة توصل للقاع وتحطها في الثلاجة لمده يومين حتى تنزل الموية كلها من الغترة وتصيرعندك لبنه ..
المويه اللي تنزل تسمى شرش فيها فائدة لكن البعض مايفضلها يرميها ممكن تاخذها وتحل فيها الزبادي عشان ا للبن بدل الموية
........................................
الجبن بعد سهل مايبي له شي
تجيب الحليب الطازج (اذا ماعندكم بقرة فيه مزارع قريبة من الرياض تبيع حليب بقر طازجة توه محلوب او استخدم اي حليب طازج تلقاه في ثلاجات المحلات
خذ كم لتر لانه بعدين يقل حجهم
خذ مثلا 4 لتر وخلهم على النار وقبل ماتغلي بشوي حط عليه شوي ملح ون بغيت حبه سودا
ووقت غليه حط عليه اقل من فنجان شاهي خل وحركه شوي راح تلقى الحليب تغير لونه وصار مصفر وبدا يتكتل خله شوي وقفل عليه النار
جب قدر وفوقه مشخاله وحط على المشخاله غترة وصب الحليب المجبن عليه وضغط عليه عشان تنول الموية وحط فوقه اي شي ثقيل قدر فيه مويه ابريق فيه موية وحطه بالثلاجة يوم كامل
بعدها فك الغترة تلقى الجبن جاهز قطعه وحطه في علب وصب عليه من الموية عشان تحفظه وفوقه شوي زيت زيتون (يحفظه عن الهواء) يقعد حول 12 الى 14 يوم وطعمه مرةممتاز
عاد انتم بالخيار وقت اكله تخلونه سادة او بنعناع وزيت زيتون او بشطه وزيتون
نسيت نقطة مهمه
الزبادي يكفي اول مرة تشتري زبادي من السوق... والمرات الثانية تاخذ كمية من الزبادي السابقة عندك وتعمل نفس الطريقة تسخن الحليب واذا دفا شوي حط عليه زبادي من السابق
يعني قاطعوا زباديهم ولبنتهم

اقتباس:

صريح2
اما من ناحية مقاطعة الشركات التي تتعامل مع المراعي فهذا اظنه صعب نوع ما ومرهق للمستهلك

لذا ارى انه يكفي مقاطعة منتجات المراعي فقط وهذا رأي

البدائل كثيره لمنتجات المراعي و غيرها فالألبان المنتجة محليا قي القصيم كثيره كما قلنا سابقاً وكذلك يوجد البان نجدية و الهنا.
وبديل الأجبان فان فيوجد على سبيل المثال أجبان برايد وبرزدينت وفرسانا تصنع هنا في الوطن ويوجد غيرها الكثير من الشركات العالمية .

بالنسبة لـ الشركات التابعة لها يوجد لها بدائل كثيره مثل الدواجن و المخبوزات ..
بالنسبة للمنشاة التي تتعامل معها كذلك يوجد لها بدائل وبالطبع ستضطر الى المقاطعه اذا وجدت انها تخسر زبائنها لمنافسين .....

أطيب تحية