منتدى مقاطعة - عرض مشاركة واحدة - مكبرين الموضوع ليش ؟؟ .. مقاطعة المطاعم أسهل منها مافي...

abuhisham · 24-08-2007, 04:15 PM

ألاحظ إزدياد عدد المشاركات التي تشير إلى إرتفاع أسعار المطعم الفلاني أو العلاني.

على هذه الوتيرة سنجد أننا في القريب العجل سنصل إلى مستوى الكافتريات و البسطات.

مقاطعة المطاعم أسهل مما تتصورون...

ليش أدفع مبلغ وقدره على مقاضي للبيت و في الأخير أكثر أكلي من المطاعم ؟؟

وحتى لو ما أقدر أستغنى عن أكل المطاعم ليش ما أحاول التخفيف من إعتمادي عليهم و بدل ما كل يوم أشتري أكل من بره أخليه مره أو مرتين في الأسبوع.

أسبوع واحد نمتنع فيه عن الشراء من هذه المطاعم سيضطرون إلى إعادة حساباتهم و تخفيض أسعارهم خصوصا و أن أكثر منتجاتهم كل يوم بيومه .. يعني سريعة التلف.

حتى العزوبية بإمكانهم البحث عن بدائل و بدل نفر رز ودجاج يمشي حاله بسندوتش من أي كافتيريا نظيفة.

والمطاعم الراقية وإللي شايفين نفسهم علينا ممكن نجيب أخشامهم الأرض بمقاطعتهم و تطنيشهم .. خاصة في رمضان .. يعني لازم أروح أفطر في الخيمة الرمضانية بذيك الحسبة؟؟ و في الأخير أكون فطرت على تمرة وقهوة أو لبن و شوية سمبوسة و فطائر ماتكلفني من أي محل أخر أكثر من عشرة ريال للنفر.

صدقوني حل إرتفاع أسعار المطاعم بأيدينا و لا يحتاج إلا للقليل من الجهد .. في البيت .. يعني بدل ما أشتري الأكل من برة البيت كل يوم أحلل المطبخ إللي صاير مجرد ديكور في بيوتنا و نطبخ فيه الوجبات اليومية و نخلي المطاعم ترجع زي زمان .. مجرد وسيلة للترفيه و تغيير الجو كل فترة و أخرى .. مرة في الأسبوع أو في الشهر مثلا.

تحياتي للجميع.