منتدى مقاطعة - عرض مشاركة واحدة - [ فرصة ] لوجه الله يا اخوان 0000 إلحق عليها

دينا صالح · 12-04-2016, 11:22 PM

نصائح مفيدة عند شرائك شقة جديدة

أريد أن اشتري شقه ولكن مش عارف اشتري شقه فين ! والا مساحتها كام !
حيرة تواجه كل واحد فينا عندما يشتري شقه سواء للاستثمار أو للسكن , في مقالي هذا سأستعرض بعض النقاط الاساسيه من تجربتي تضمن انك اشتريت فعلا الشقه المناسبه لك مع ذكر بعض الملاحظات الهامه التي يجب ان تأخذ في الحسبان عند شراء اي شقه .

سبب الشراء :
سؤال مهم جدا لازم تسأله نفسك.. هل سأشتري الشقه علشان العائله و لا علشان انا مقبل على الزواج حديثا و لا انا واحد اعزب و يادوب عاوز شقه اقعد فيها ولا انا عاوز اشتري شقه للاستثمار العقاري لتاجيرها و بعد فترها ابيعها ؟
الاجابه على هذا السؤال تفرق كتير جدا , لو علشان العائله يبقي لازم تشتري شقه مساحتها كبيره تناسب عدد افراد العائله و تبقي 3 غرف, اما لو شقه للزواج فهنا ممكن شقه مساحتها صغيره , اما لو واحد اعزب فهو ممكن يعيش في شقه بغرفه واحده ..و هكذا .

الامور الماديه ، المبلغ المتوفر للشراء:
هذه النقطه أساسية و مهمه جدا جدا جدا , المبلغ الذي تمتلكه هو الذي سيتحكم في اختيارك للشقه, لو معاك مليون ستشتري شقه على كيف كيفكبأي مساحة وبأي منطقة , اما لما يبقي معاك مبلغ قليل هنا الجزء المادي بيتدخل في الحسبه و يفرض عليك اختيار مناطق معينه و طبعا كل ما زاد الجزء المادي و المبلغ الي معاك كل ما هتقدر انك تشتري شقه في مكان افضل و في دور افضل و في موقع افضل .

في أي منطقة تقع الشقة ؟
سؤال مهم للغاية، إن كنت موظف مثلا في القاهره و اروح اشتري شقه في الاسكندريه , ستقضي حياتك في المواصلات وتدفع مصاريف التنقلات بس عشان تروح الشغل و ترجع منه , و كمان لما يبقي عندي اولاد و مدارسهم في مكان و اروح انا اخد شقه في مكان بعيد عن المدرسه بوقت كبير جدا يبقي انا بقسي علي اولادي و بتعبهم
لذلك أحسن تختار شقه و بتبحث عنها تبحث عن شقه تكون اقرب ما يمكن من مكان عملك و مكان عمل زوجتك و مكان مدارس اولادك.

أي شقة في العمارة ستشتري ؟
الدور الأول في اي عماره عادة يكون فيه أكثر من نموذج للشقق , هناك شقه ( خارجي )، وهناك شقه ( داخلي ) بمعني في شقه الخارجي بتبقي علي الشارع و الداخلي الي بتبقي الجهة الخلفية للعماره , وهناك فرق بين الاثنين في المميزات و العيوب , الشقه الخارجي عادة اغلي من الداخلي , لانها علي واجهه العماره مطلة الشارع أو على منظر , أما الداخلية ليس بها نفس الإطلالة , ويمكن مخنوقه شويه من الهواء .
طيب أشتري شقه في دور مرتفع ولا دور منخقض , ده سؤال مهم جدا ايضا , في ناس لا تحب الادوار العاليه جدا زي الدور السابع و الثامن و التاسع و هكذا , وبالتالي تاخد في الادور المنخفضه لعده اسباب مثل الخوف من الادوار العاليه، أو لو ان المصعد أو الكهرباء انقطعت ستواجه مشكله في الطلوع و النزول كل يوم , ولكن هناك اشخاص اخرين يحبون الادوار العاليه جدا ويقولوا لك مزاج و هواء صافي و جميل و تبعد عن الدوشه و الازعاج، ومنظر رائع. وباختصار هذه بعض مميزات الادوار المرتفعه في العماره و عيوبها :
المميزات
– الابتعاد عن تراب و عفره الشارع
– الهواء جميل جدا فوق و غير ملوث و نسمه هواء جميله
– بعيد عن اي دوشه او ازعاج نهائيا
– منظر من فوق رائع.

العيوب :
– مشكله المياه بتوصل ضعيفه للادوار العاليه الا بالموتور و فيها بعض المشاكل برضه مع انقطاع الكهرباء
– الكهرباء لو انقطعت او لو كان هماك خراب في المصعد باستمرار ستواجه مشكله في الطلوع و النزول، وسيكون الأمر مرهق جدا.
– الصيف الشقه بتبقي فرن لان الشمس ضربه في الشقه باستمرار، وفي الشتاء برد لأنها مكشوفة للرياح والأمطار، وممكن السقف يسيل من تجمع الأمطار على السطح.

ومن جهة أخرى هذه مميزات الادوار المنخفضه في العماره و عيوبها :
المميزات
– المياه توصل للشقه قويه دائما
– لو الكهرباء انقطعت أو لا فليس هناك مشكله.. المصعد اختياري، ويمكن استخدام السلم وتكون رياضة بالمرة.

العيوب :
– الشقه معرضة لتراب الشارع باستمرار، ولذلك محتاجة للتنظيف بشكل أكبر.
– هناك إزعاج من صوت السيارات في الشارع.. حتى لو اغلقت الشبابيك.

خير الأمور اوسط، لذلك الافضل طبعا هو اختيار الادوار المتوسطه الرابع , الخامس , او السادس ..

جودة تشطيب الشقه :
هذا الجزء مرتبط بالناحيه الماديه جدا , لماذا ؟ لان الشقه الي على الطوب ( عظم ) سعرها اقل من الشقه المتشطبه سوبر لوكس والفرق كبير .. ولو سألتني، طيب انا اختار طوب (عظم ) او سوبر لوكس بناء علي ماذا ؟
أقولك، اولا..يعتمد معاك معايا فلوس قد ايه , وثانيا في بعض الناس يقولولك انا اخد شقه علي الطوب (عظم ) و اقسم الغرف و الشقه علي مزاجي و اعمل فيها ديكورات كما اريد و أعملها علي ايدي، و كل شيء فيها معمول صح وتمام.. أما واحد تاني يقولك، لا .. انا عندي وقت وحيل امسك شقه علي الطوب (عظم) واشرف واتابع فنيين الكهرباء و السباكين وفنين التبليط والسيراميك و الجبس و الدهان و موال طويل، ولذلك يقول انا اخدها متشطبه و يادوب اعمل فيها قليل من الأشياء الضرورية إن لزم الأمر وأرتاح.
لذلك، فالامر عائد إليك، حسب إمكانياتك الماديه وظروف عملك ووقتك..

اوراق الشقه والأمور القانونية:
يجب أن تعرف وضع العمارة والشقة من ناحية التراخيص والأمور القانونية، فبعض الأبنية لا تكون مستوفية لكافة التراخيص القانونية, لذلك يجب التقصي والتحقق من أن العمارة والشقة وضعها سليم من هذه الناحية، ولا تنخدع برخص السعر للشقة، فقد يكون هناك مشكلة قانونية في وضع الشقة والعمارة، مما يؤدي في النهاية إلى كثير من المشاكل لا سمح الله.
هناك نقطه اخري مهمة جدا، وهي :هل الشقه ليها حصه في الارض أم لا؟ وإذا سألتني ماذا يعني ( حصه في الارض )؟ أقول لك حصه في الارض يعني لا قدر الله العماره إذا وقعت ولم يكن لديك حصه في الارض لا يصبح لك أي شيء لأنه ليس لك أي حق في ارض العماره , اما لو كان لديك حصه في الارض، فعندما يجمعوا فلوس من بعض علشان يبنوا العماره من جديد، تضمن بحصتك في الأرض حق شقتك بالمساحه و السم بالظبط بعدد الامتار. زلذلك سعر الشقه الي بدون حصه في الارض منخفض جدا مقارنه بالشقه الي ليها حصه في الارض .

ملاحظات هامه عند شراء اي شقه :
بالإضافة لما سبق، هناك بعض الملاحظات يجب أن تضعها في الحسبان ايضا لما تشوف شقه و لازم تتأكد منها:
– يجب ان تعرض أوراق الشقه علي محامي حتى يبين لك وضع الشقه القانوني و تطمئن أن كل شيء في الموضوع صحيح وقانوني.
– يجب أن تسأل علي عمر العماره و تعرف هل عليها مشاكل أم لا و تنتبه إلى حاله العماره هل جيده أم أن فيها شروخ و مشاكل.
– تشوف الشقه شمالية، جنوبية ، شرقية أو غربية وتتأكد أن الشمس تدخلها لفترة مناسبة من الوقت في اليوم، وهل يلزمك تكييف للصيف أو تدفئة للشتاء .
– يجب أن تنتبه هل هناك محلات مزعجه تحت العماره زي محل مشويات، محل خشب، ميكانيكي , أو أي محلات ممكن تكون سبب إزعاج حتي لو كانت الشقه جنه. يجب أن تختار الشقه في موقع جيد و تنتبه لأي سبب ممكن يؤثر عليك لان ممكن يكون هذا هو السبب الذي يدفع صاحبها لبيعها..
– لاحظ كذلك أن يكون تقسيم الشقه مناسب لك. واقصد بالتقسييم مكان الغرف مكان الصاله مكان المطبخ يعني.. أذكر مرة كان في شقه شفتها و عجبتني بس كانت غرف النوم علي الشارع وفيها ازعاج من الشارع، و الريسبشن معزول بالداخل، و التهويه فيه معدومة!

واخيرا اسأل الله ان يوفقنا جميعا للخير , و دائما يجب انك تستخير الله قبل الانتهاء من الموضوع , و الحرص علي انك تأخد اراء الأهل والأصدقاء، فمن الممكن أن يكون أحد منهم شايف شيء غايب عنك، وممكن يفرق معاك جدا ..