بأذن الله راح تأخذ حقك كامل

لأن انتم فاهمين وظيفة شيخ المعارض غلط

شيخ المعارض ما يسوم قطع الغيار

شيخ المعارض يسوم السياره قبل وبعد الحادث وأذا طلع الفرق في القيمه أكبر من قيمة السوم قبل وبعد

يعطونك قيمة قطع الغيار

لكن
أذا طلعت قيمة قطع الغيار أكبر من قيمة السوم قبل وبعد الحادث
يعطونك الفرق بس وانت عاد روح بيع سيارتك وكمل عليها

بعطيك مثال :: عشان تفهم أكثر

نفرض لو عندك هوندا مثلا
طبعا الهوندا معروف قطع غيرها غاليه سواء كانت قديمه ولا جديده

طيب الهوندا هذي الى عندك تسوى مثلا 16 الف ريال
وسويت حادث فيها وطلعت قيمة قطع الغيار 26 الف ريال

طبعا مو معقوله يعطيك التامين 26 الف والسياره ما تسوى الا 16 الف

فعشان كذا يرسلونها الى شيخ المعارض ويسومها
فمثلا لو سامها قبل الحادث بى 16 الف ريال
وبعد الحادث بي الفين ريال لا غير

التأمين في هذه الحاله

يلغى حكاية 26 الف ريال
ويصير يعطيك الفرق 16 - 2 = 14 الف ريال لا غير

وانت عاد روح بيع سيارتك بالفين وزود عليها 14 الف واشتر مثل سيارتك

مع تحياتي لك

معلومه مهمه لا تعب نفس وتجلس تسحب السياره على حسابك

ودها اي حوش هو يتكفل بسحبها وسومها

بس انت عليك تأخذ الفواتير وتقدمها مع أوراق الحادث لشركة التامين

ويعطونك حق السحب (( السطحه))
حتى لو كان لأكثر من مره

تحياتي لك وبالتوفيق