المشاركة الأصلية كتبت بواسطة دانات

السلام عليكم ورحمة الله ,,,

عبدالله ولدي عمره3 سنوات هو بكري و وحيدي ,, مشكلته بدات من عمره سنه و9 شهور تقريبا , بدايت الاحظ انه متاخر بالكلام والفهم مقارنة بمن هم بمثل عمره,,
قالوا انتظري عليه شوي ما يضيعنا الا كلام الناس.. وبيتكلم انتظرت الى صار عمره سنتين و4 شهور تقريبا بدا يتحسن بالكلام وتزيد المفردات قليلا بس بس غير مفهوم حركته كثير كا اي طفل و خاصة بالاماكن العامة تغير تم للبيئة يستلزم الاستكشاف!! مثل السوق معاااناه صعب انه نسيطر عليه مايلتفت علي لما اناديه الا بعد عدة مرات عنيد وعصبي جدا اتعب معه لما اجي اشرح له معلومه ولا بنسوي شي مثلا عبودي لازم تاكل اولا عشان نروح نتسبح يبكي ويعصب الا يروح يتسبح مايخلي لي فرصة اشرح له وانا عقبها اعصب وازعل منه كثير ,, يحب يختلط بالاطفال بس مايعرف يتواصل معهم يلعب معهم شوي وبعدين يروح يلعب لحاله او يروح يتفرج على التلفزيون ( تجيه اوقات يتعلق فيها بالتلفزيون ) ومايعرف ياخذ حقه من احد يضربه او اخذ الشي اللي معه هو يجيني يبكي ويضربني ,طفلك موؤدب, حاليا صاير يعطي مفردات كثيرة بس اغلبها غير مفهوم لغيري انا وابوه والجمل قليلة جدا جاء بابا شوف بابا اشرب مويه روح بابا ,,,
طبعا انا جبت له كتب وصور وسي ديات تعليمية حب الكتب المصورة والالوان والتليون بس ماعرف يتعلم الالوان ,,
عرضته على طبيب اطفال وسوا له تخطيط اذن ووجد عنده سؤال واعطاني له قطرة للاذن وشراب اسمه كلارا استخدمه لمدة شهرين وبعدين سوا له تخطيط مره ثانيه للاذن وقال انه السؤال تقريبا اختفت ,, سوينا له تخطيط اعصاب للجهاز السمعي وقال الوضع سليم الحمدلله ..الحمد لله هو وضعة الجسدي سليم
بس وصف له دواء (×رسيبيدال ) قال لان عنده فرط حركه وتشتت انباه ..بدينا
بس انا ماعطيته وترددت اعطيه لانه توه صغير وقرانا عنه انه ممكن يسبب مرض سكر وانه يعطا اصلا للمريضين نفسين و لمدمنين المخدرات ,,
بعدين وديته بعمر 2 و7 شهور تقريبا للدكتور صالح الشبل بالحرس الوطني طبعا على حسابنا الخاص ( لاني مادري المستشفيات الحكومية وضعت لمن ) للي عندة واسطة
ارسلنا لمركز تنمية الانسان وقال خليهم يسوون لكم تقييم لمدة اسبوع ,,
سويينا التقييم مع بداية الترم الحالي ,,
وطلعت نتيجة التقييم اللي حللها لنا الشبل انه عبودي عنده فرط حركة وتشتت انتباه واندفاعية وماعنده تواصل بصري وبعد وصف لنا ( رسيبدال ) ومااعطيته لاني مااقتنعت فيه ابدااا وخاصة فيه ناس سبب لهم تشنج ... ما شاء الله عليك!!!
خليته في المركز عقب التقييم لمدة اسبوع بس عقب سحبته لانهم خالطين الصغار مع الكبار والتوحد مع الفرط والتشتت وعبودي حسيته تاثر ببعض حركاتهم وصار يضرب الاطفال ,,
ونصحني اخصائي تخاطب انه ادخله روضة افضل لانه صغير ووحيد ومحتاج فقط للاختلاط بالمجتمع وتفريغ طاقاته ,,
وفيه ناس نصحوني اعطيه اوميغا 3 وبيض السمان لانه يساعد على التركيز وتنشيط الذهن ,, وايضا هل تنصح باستخدام دواء( كونستريا )
هاذي حالة ولدي عبدالله ,, اتمنى يادكتور تفيدني وتنصحني وش اسوي ووين اتجه لاي مركز ولا اي مستشفى ولا مدرسة ولا طبيب ,,
وايضا اذا فيه امكانيه انك تقولي انت باي مستشفى حكومي اذا فيه امكانية نتابع حالة عبدالله عندك اوتنصحني بطبيب آخر ممكن يساعدني ,, وكيف اقدر افتح ملف لعبودي في هالمستشفيات ,, ولا لازم نتجه للعيادات الخاصة ....
تكفى تكفى تكفى انصحني وساعدني ..... رجااااااء لاتهمل رسالتي وموضوعي ,,,, عبودي محتاج لله ثم لمساعدتك لاتخليه .....