انا ما أقول يا حظ يرحم أمك ركز معه ... انا أقول يا ناس يرحم أمكم ركزوا في كلامه وخذوه على محمل الجد
ترى والله انه عين العقل وحسن التصرف.
انا صار لي موضوع مشابه مع شركة اليسر( العسر ) ووصل فيهم الافتراء الى سحب السيارة بحجة عدم السداد , بالرغم من وجود تفويض لهم بالاستقطاع بس الموظف إلي عنده الاستقطاع
ما كلف على نفسه يتابع أموال الشركة وفي يوم جيت من العمل ودخلت البيت وعند خروجي لقيت مكان السيارة بس ..( يعني سحبوها ) طبعاً انا وش سويت انا لأني ما تأخرت ولا تقدر الشركة تحجني بشي ...
اتجهت الى الشرطة وبلغت عن سرقة سيارتي يعني ما علي من العقد الي بيني وبينهم يبلونه ويشربون مؤويته , أبيهم يقابلوني في الشرطة ونتفاهم
الحركة الغبية الثانية الي سووها باعوا السيارة بعد 15 يوم بس وهذا عكس الاتفاق لان واحد من المسئولين أعجبته السيارة وخصوصاً إنها لسى بقراطيسها فباعها على نفسه بربع القيمة والمواطن الي هو انا راح يسدد الفرق كامل , ما سكت ورحت اشتكيت على المحكمة وجبت طلب إحضار للشركة وجيت أسلمه لمدير شرطة الملز لان الشركة تابعه لهم ( تخيلوا رفض يستدعيهم وجلس يقنع فيني إني ما راح أوصل شي معهم وانأ بصراحة ما استغربت الكلام منه خصوصاً بعد ما شفت طقم المكتب الفاخر الي على مكتبة بشعار شركة اليسر.
أبشركم القضاء ما خيب ضني وحكم لي بالمطالبة أولا بإعادة السيارة وبعدها نتفاهم بموضوع الأقساط وسبب تأخرها.
تدرون وش صار؟
الشركة قالوا خلاص انت رح وإذا لقينا صاحب السيارة اتصلنا فيك ولي الآن 3 سنين ولا احد رفع السماعة علي وانأ بدوري رحت وسحبت برنت على السيارة ولقيتها باسم اردني يشتغل في شركة اليسر وكفيلة العيسى ......
مساء الخير يا وطــــــــــــــــــــــــــــــــــــــــــــــــ ـن