ماقول الا
عسى ذيك الوجية الفالحـة فـي منـزل الاكـرام
عساهم فـي جنـان الخلـد والفـردوس نزالـه
وجية الطيب والمعروف والجولات شـرق وشـام
عريبين النسب خطليـن الأيـدي فقدهـم حالـه
عليهم كل عين تجيب من طـش الدمـوع اكـوام
وعليهـم كـل قلبـا يزعـج الونـات عـزالـه
الموت ماعنه مفر كلنا راحلين وموت العز والشرف والكرامه عندما تموت وانت مدافعا عن تراب الحرمين
نموت بعز وشيمه -- ونبقا تاريخ وقيمه - موتت شرف كريمه --
من دون حد بلادي
وجهك لوجهي قاتل - وخلك امامي باتل---
ياحلو الموت الفاتل
والشهااده مرادي
انا جندي سعودي - واحمي تراب جدودي--
واقف على الحدودي
و اتحرا استشهادي
من قصيدة تاريخ ميلادة اخترت لكم
توكلنا على الله واتكلنا واشقر البارود
لبسنا محزمه والاسم جا مكتوب بقلاده
لبسنا اكفاننا في ساحة الميدان والُوقود
لهبها مشتعل وقت الهجوم النار وقاده
هزمنا جيش من خان الجوار بقادة ال سعود
واسرنا منه عشرالاف جندي تم تعداده
نصرنا الله وعاد الحق لاهله وانتهى الحشود
نصرنا الله وعاد القايد المسئول وافراده
وصدمناعقب ذاك الحرب صدمه والنظام بنود
صويب الحرب من ضيّع حقوق اصيب من صاده
غدينافي مراحل والمراحل ماعليها كود
دليل اسم الصويب اللي صوابه ضيّع ارقاده
عطيتك حب واصدق حب وين الحب والوجود
حشا ماعاد اعرف اشلون احب بصدق ياغاده
كبيرة صدمتي في عالمي والدالهين عدود
وانا اللي كل يوم اشوف يكثر زود حسّاده
لقيت من الخلايق ناس نصابه وناس جلود
وناس تخاف ناس وناس عند الناس كداده
ولقيت من الخلايق ناس تبكي فالمساجد زود
وهي ماتنكر المنكر تغط النور وزياده
سؤالي وين ماوجهت اقوله مايجي مردود
عشر وربع سنين وعالمي مجهول ياقاده
مساكين الخلايق من تراب الى تراب تعود
على وجه التراب تحلّ خلق / وخلق شدّاده
شعر عماش الرقعي احد مصابين حرب الخليج