عودا حميدا اخوانى وبصراحة خلف اغلاق المنتدى فراغا كبيرا

انا جا على بالى ان جمرة غضا دخل عليه الجميح بجاهه من القصمان وبعد ماقربوا لها الحنينى والكليجة وختموها بلبن وبعد ماحسوا انها بدت تفقد قاموا يكثرون عليها من الكلام الجامد
وراوا ، وشبوة علاموة لين حسوا ان دمها باقى لة شوى ويصير زبادى قاموا وخلوها توقع على اغلاق المنتدى للأبد
بعدين قلت لا ياولد مومعقول جمرة ماتسويها لكن ليش مايكون ابوهشام هو السبب تلقى الحين هل الوكالات قطولة قطية واتفقوا معه يشترون لة مايباخ ويوم شافها قلبة طاح بين ارجولة من الخوف منها وهو ماركبها قام سلمهم الخيط والمخيط وقفل المنتدى بالظبة والمفتاح ولا بنى علية جدار ولاجدار برلين

بعدين قلت ياولد تعوذ من الشيطان مايسويها ابو هاشم لو يسوون لة مصنع سيارات طيب مين السبب انا صراحة شكيت فى ابوخالد قلت يمكن اختطفوة وسووا لة غسيل مخ ورجعوة وصار يترزز فى الادارة لحد ما عرف وين ابوهشام يحط مفاتيح المنتدى وبسرعه البرق خطفها قفل المنتدى وشرد واحتاس ابو هشام كيف يفتحة لأنة مو مسوى لة مفاتيح سبير وقاعد يدور على بو خالد ومرسل لة ياحظ يرحم امك ركز وجمرة يتفاوضون معه بس رجعوا خايبين لانة طالب مليون ريال عشان يطلق سراحة
بعدين قلت ياولد اركد ابوخالد يعين ويعاون مو راعى ها السوالف واصبر ياخبر اليوم بفلوس بكرة يصير ببلاش
عموما عودا حميدا وعساها اخر الهانقات