هلا والله بالجميع ...
أولا يجب ان تكون متاكدا من ثقة ممن تتعامل معه .. ويا قلهم ...
بالنسبة للمواقع يوجد عدة مواقع وانا لا اعرفهم و لا ازكيهم... لكن
السلام عليكم ورحمة الله وبركاته
نتكلم عن الاستيراد من امريكا خاصة الي صاير في الفترة الاخيرة وماشية الشغلة بقوة معظم المعارض والناس الى تستورد من امريكا يتعاملون مع وسيط في امريكاوعلى حسب الوسيط هو ياخذ عموله من 3000$ وفوق ان كانت اكثر من السيارة او 1000 دولار لسيارة وحد
بعد ما الواحد يتفق يدفع الشاري قيمة السياره كامله يعني مثلا" لكزس 2004 نصف فل 90 الف ريال نظيفه مهيب غرقانه ولا مصدومه ولا فيها اي شي. الا في حالات نادره يكون الوسيط الى في دولتك عنده تاجر في امريكا يصدر له سيارات يقوم بدوره ببيعه له ويستفيد الطرفين مثل الموتر وغيرها من هالمعارض
تقول السيارة غرقانة ومسمكرة اقولك وشو الى يضمن انها نظيفه طبعا" الفحص والى يكلف من 200$ الين 500$ كحد اقصى.
جي للشحن السياره شحن داخلي من المعرض الين مخزن الكونتينرات وهذا يعتمد على بعد السياره عن الميناء الى بتنشحن منه واقل سعر 300$ واغلى سعر يوصل تقريبا" 2000$ كحد اقصى.
شحن السياره بالبحر معظم شركات الشحن تحسب قمية الشحن على حسب حجم الكنتينر يعني من 20 فوت لين 40 فوت العشرين فوت يشل سياره وسعره تقريبا 2000$ وفوق والاربعين يشل ثلاث سياره بحجم اللكزس وسعره 3550$ وفوق.
بعدين تامين السياره ضد التلف او الغرق الخ اثناء الشحن اقل تكلفه 0,09% من قيمة السياره يعني لو كانت الساره قيمتها 20,000$ X 0,9 = دولار 180$
سالفة الشحن التعامل مع شركات شحن كبيره صعب يعني لازم تتعامل معاهم عن طريق وسيط بالتالي تروح في معمعات تاخر الشحن وحسب خط سير الرحله حق الباخره الي ممكن تسير على اوروبا وبعدين افريقيا وبعدين جدة او الشرقية والنتيجه السياره تاخذ اقل فتره من تبخر السفينه 45 يوم واقصر مده 25يوم وهي طبعا من الصعب انك تشحن عليها لانه مكلفه جدا"
يعني مثل حال تذكرة سفر ديركت اغلى من الترانزيت.
اخيرا" تدفع رسوم للوسيط الشحن على توصيل الطلب ويعتمد على حجم الكنتينر يعني من 1200 ريال وفوق
نجي نحسب التكالف على اقل الاسعار الى ذكرتها فوق 90000ريال قيمة السيارة +3000$ + 200$ + 300$ + 2000$ +180$ +1200ريال = 112556ريال
يعني لما تلقى سياره لكزس موديل 2004 سعرها 140,000ريال لاتقول غاليه وخاص انك تبغي تستخدم لانك مستحيل تحصل سياره ارخص الا اذا كان صاحبها محتاج.
طبعا" ما ننسى ان السياره على سبيل المثال انشرت في شهر 1-9-2008 لا تستغرب انها تستغرق من 45 يوم الى 90 يوم الين ما توصل كل مادفعت زيادة مقابل الشحن كل ما كانت فترة الانتظار اقل وايضا اسعار الشحن مثل الاسهم يوم طالع يوم نازل.
ارجو اني بينت نقطه للناس ماتدري عنها ان مافي حد بتعطيه مبلغ بسيط ويشتري لك سياره قميتها فوق 100,000 ريال وبوافق الا اذا كان ربحه فوق 15,000 وعنده سيوله يبغي يشغلها.
.
*انا صارحه لو بجيب سيارات بنفس الطريقه ما برضى بربح اقل من 15,000 على هذا السعر*
والصراحة ان جبت السيارة ممكن تصلح فيها كم قطعة عشان تتطابق المواصفات فبالاخير هذا رأي ان والواحد لاجاب سيارة من امريكا تراها شغلة مو خش على الاي بي واشتر والله يوفق الجميع والي عنده رأي لابخل علي برأيه
==================
المصدر من هنا