هلا و مرحبا و مربحا
.
.
الرجاء للفايدة المرجوة
أن تقرأ كل ما كتب ولا تطمر أي سطر
وإن شاء الله ستستفيد
.
.
أبطرح تجربتي
وهي
ماجرى معي يوم رحت أغير كفرات سيارتي
المهم
يوم صليت العصر
رحت للغرابي – الغرابي : باختصار مكان فيه كل شيء عن السيارات –
وبدأت
أسأل
عن أسعار الكفرات
وبعد السؤال
حطيت في بالي نوع معين
وركزت في سؤالي عن أسعاره
وإذا بالأسعار تتفاوت
يعني إذا جيت تشتري لا توقف عند محل واحد ترى الأسعار مختلفه ، وكل واحد تحس أنه أصدق من الثاني
وتبين لي أيضا" من السؤال أن هناك كفرات نفس الماركه لكنها مجددة ( يعني غش ) – فانتبه .
وبعد السؤال
قررت
واخترت نوع الكفرات ، والسعر اللي تقريبا" أعجبني
7
7
يوم وقفت السيارة حتى يتم التغيير للكفرات
وإذا بثلاثة أشخاص – من الجنسية اليمانية – يلفون على سيارتي –
وسألوني
هل ستبيع الكفرات ؟
( أنا ما صدقت ، لأني لي سنوات ما عمري بعت الكفرات ، دائما" أتركها لصاحب المحل )
يوم سمعت سؤالهم
قلت : بكم تشترونها مني ؟ - علما" أن كفراتي شبه جديدة .
قالوا : بأربعين ريال ؟
قلت : إذا تبغون بثمانين ما عندي مانع ، وعلى طول وافقوا
( فأنتبه هناك من يشتري منك الكفرات )
يمكن واحد يقول : ليش تبع كفرات مستعمله ؟
أقول له : أنا شفت بعد ما خلصوا من أخذ الكفرات مجموعة من الكفرات ربما فوق المائة مع مجموعة من اليمنيين ، وهم يقومون بتلميعها وبيعها - كما يقولون - على باكستانيين
وعلى العموم الموضوع للفائدة
إذا" هناك من يشتري المستعمل فلا تتركها لمحل بيع الكفرات .
7
7
7
ويوم خلصت من تركيب الكفرات
طلبت من العامل فاتورة ( مهم تأخذ فاتورة )
ويوم أخذت الفاتورة
قلت للمحاسب : تراكم رافعين السعر علينا ؟
قال : شف فاتورة الزبون اللي قبلك ، اشترى نفس كفراتك وسعره أغلى منك ؟
( يعني التسعيرة حسب ما يغلبونك )
7
7
أخذت الفاتورة
وكان عندهم عامل هندي – هو اللي ركب لي الكفرات –
قال لي العامل الهندي : لازم تسوي ميزان للكفرات
قلت له : قبل أربعة أشهر مسوي ميزان
قال : بس هذا كفر جدبد
وقال العامل الهندي : - وأشار لمحل قريب منه متخصص للميزان – رح لهذا المحل وسوي ميزان
7
7
رحت لمحل الميزان ، وأنا غير مقتنع
قابلت العامل اليماني الجنسية
قلت : بكم تسوي ميزان
قال : أنت مركب كفرات حديدة ؟
قلت : نعم
قال : أعطني الفاتورة ؟
قلت : وش دخل الفاتورة بالميزان ؟ ( وعرفت أن الدعوى اتفاق )
المهم أعطيته الفاتورة
وقلت : ترى أبشوف كم السعر قبل ما تسوي ميزان
قال : طيب
ورفع السيارة على الحديد
وقعت يتفلسف علي
قلت : بكم تسوي الميزان ؟
قال بـ 300 ريال
على طول قلت : نزل السارة .
قال : خلاص أبسوي لك ميزان عادي بـ 80 ريال
قلت: أصلا" أنا مسوي من قريب ميزان
ونزل السيارة
ومشيت.....
آمل أن تكونوا أستفدتوا من تجربتي
1
أسعار المحلات متفاوته فاسأل عدة محلات
2
لا تترك الكفرات للمحل
3
هناك من يشتري المستعمل
4
يبدو أن هناك اتفاق بين بعض المحلات و محل الميزان
5
الرجاء لا تبخل على نفسك وتتأخر في تغيير الكفرات – والله هو الحافظ – لكن نفعل السبب .
6
انتبه هناك كفرات ماركة مجدده
أخوكم المملوح هو من عايش تللك التجربة