مرحبا ألف و 1000 و 100 و 400
معاليش صارت الدعوى أسعار الأضاحي
.
أول شيءأقول لكل عضو عشر مباركة ، وكمان عيدكم مبارك و زين ومعمر وبشار ....وووواو عسى ما أجيب العيد ...والا هو جاء بنفسه
.
.
يا شباب و شيبان
.
.
عندي موضوع منقول
وإن شاء الله تستفيدون منووووووووووهووووووو هي !
.
الموضوع كتبته إحدى الأخوات الفاضلات
وهو تجربه لها
.
وأنا أبنزل الموضوع على شكل حلقات
أهم شيء
المتابعة
والقراءة للموضوع بدقة
7
7
7
نبدأ
الحلقة الأولى
بالنسبة لمزانية البيت انا المتحكمة فيها من اول زواجي لان زوجي مشغول طول الوقت ومو فاضي لهذي الامور
انا طريقتي بالتوفير غير باكتبها يمكن انها تساعد احد فيكم وفي البداية محتاجة لشوية وقت
وتنفع للعائلات الكبيرة
اول شئ مستلزمات البيت من ادوات التنظيف
( ديتول وفيري وتايد وغيره ) القصدير واكياس الزبالة بمقاساتها واكياس حفظ الاطعمة واسفنج الغسيل والمعجون وجميع انواع المناديل ( اي شئ غير الاكل ) حتى شامبو الشعر والشور جل لاني ما استخدم غير نوع واحد من سنين ولاعندي امل اني اغيرهم حتى الالويز, ما لها وقت انتهاء عشان كذا اشتريها بالكراتين والدرزن( 12او24 حبة يعني سنتين حبة في الشهر) مرة بالسنة واحيانا يبقى اشياء منها للسنة الثانية يمكن يكلف الموضوع مرة بالسنة من 4000 الى ثلاثة الاف حسب الماركات المشتراة وكميتها
واحطها بغرفة المخزن او دولاب واقفل عليهم وما احد يدخل المخزن او يفتح الدولاب غيري لاشغالة ولا احد
لاتتفاجئ من المعروف انك اذا اشتريتي مثلا الفيري الكبير من السوبرماركت ب 8 او 9 ريال
واذا اشتريته من محل الجملة بالدرزن بيكون الحبة تقريبا ب 7 ريال او ارخص لكن اذا اشتريتها بالكرتون من المورد او مكتب التوزيع او مندوب المبيعات او المصنع نفسه بيكون سعر الحبة ارخص لانك تشتريه بسعر المصنع مثل تجار المفرق
((انا اشتري صابون التايد كيس مثل كيس الارز 25 كليو ب 88 ريال وكل شهر اعبي سطل صغير يزن 2 كيلو مع كوب قياس واحطه بغرفة الغسيل كل شهر يكفيني الكيس لمدة سنة وحدة
انتي عارفة انه كيس التايد على ما اعتقد 2 كيلو ب 14 ريال بالسوبرماركت ( شفتي الفرق بالسعر ) وعليك القياس على باقي المواد ))
عشان كذا اول خطوة انك تشوفي فين مواقع مخازن او مكتب توزيع البضاعة للمصانع ( بالنسبة للي في جدة تلاقيهم في باب شريف او الحلقة ) في مدينتك
طيب كيف تلاقيها اقري الملصق على المنتج وتلاقي عنوان ورقم المورد او المصنع واتصلي وخذي العناوين احيانا يحطوا ارقام مجانية للاستفسار استخدميها
واسألي لا تنحرجي خليكي جريئة واذا احرجك الرجل قولي له انك بتفتحي سوبرماركت صغيرة وحابة تعرفي كيف توفري البضايع واذا مرة ذابحك الحيا خلي زوجك يكلم ويسأل ممكن اذا لقيت شاحنة التوزيع والموزع ( او المندوب) انك تسأليه اذا ييبع لك الكرتون بنفس سعر التجار وبتلاقيه يوافق لانه ياخذ نسبة عمولة على التوزيع
يمكن تشوفي طريقتي صعبة او مكلفة لكن صدقوني والله مريحة وموفرة بشكل رهيب انا اشتريت كراتين من جميع انواع اكياس البلاستيكات والمناديل لها سنتين عندي وماخلصت
بالنسبة للاستخدام كل شهر اطلع من المخزن على حبة من كل نوع منظف حتى لو مخلص القديم واحطها بكرتونة واسلمها الشغالة طبعا انا مفهمتها لو تخلص مافي غيرها عشان تنتبه لكمية الاستخدام ( قبل مايكون عندي شغالة كنت احطها بدولاب المنظفات في الطبخ ) واكياس زبالة واكياس حفظ اطعمة وقصدير على قدر حاجتي للشهر
هذي الطريقة راح تغنيك من شراء المنظفات كل شهر ولمدة طويلة اشتري كرتون الفيري فية 24 حبة يعني يكفي لمدة سنتين كل شهر حبة وبكذا الميزانية الشهرية تخف
.
الحلقة الثانية
.
المواد الغذائية
انا اشتريت ثلاجة او برادة مثل حقت المحلات واللي تعرض فيها المشروبات او الاجبان بباب زجاج مقاس كبير( شفت اعلان تقبيل سوبرماكت واتصلت عليهم وسألتهم بكم يبعونها وارسلت اخوي يكشف عليها هي ممتازة والا لأ او شوفي مصانع المواد الغذائية يمكن توفرها او المحلات انتي وشطارتك ) وحطيتها بالمخزن واشتري حسب الحاجة بالدرزن او (( بالكرتون خاصة المواد المستخدمة بشكل مستمر)) من محلات الجملة او الموزعين مثل الكاتشب والقشطة و المكرونة والحليب وغيره خاصة الشكولاتة والعصيرات للي عندهم اطفال ( طبعا اركز على تاريخ الانتهاء لازم يكون بعد سنة) واحطها بالثلاجة ليش عشان ما تخرب من حرارة الجو او الرطوبة وبكذا اضمن انها بتكون صالحة حتى تاريخ انتهائها لمدة سنة
حتى البهارات المعروفة اشتريها بالكيلو واحطها بالفريزر واخذ قدر حاجتي بعلب صغيرة
يعني بيمر وقت طويل ماراح تحتاجي نزول السوبر ماركت الا لشراء بعض الحاجات الغريبة والغير مستخدمة بشكل كبير عند الحاجة
بالنسبة للتمر مخصصة فريز له فقط كل سنة نشتري ( السكري والخلاص) وقت الموسم كميات كبيرة من نفس المزارع لانه يكون ارخص واوزعها بعلب صغيرة للاستخدام
بالنسبة للخضار الانواع اللي ممكن انها تتفرزن اشتريها بالصناديق من الحلقة ارخص
اما الباقي من الخضار والفاكهة اشتريها على قدر حاجتي بالاسبوع
.
.
.
الحلقة الثالثة
.
المكالمات الهاتفية
استغلي برنامج قطاف اذا الجوالات والهاتف باسم الزوج او اسمك اشتركي بالبرنامج ( راجعي النشرة من الموقع ) وحولي النقاط مكالمات مجانية لجوال ولدك او بنتك( بس لازم يكون الجوال المستخدم باسمك او اسم زوجك) او رسائل جوال مجانية لك او اذا ما عندك اشتراك دي اس ال حولي النقاط لاتصال نت مجاني ( 200 نقطة فيها 23 ساعة اتصال نت مجاني اذا ماكنت غلطانة)
انا من اول مابدأت الخدمة كل رسايلي مجانية بسبب قطاف
بالنسبة للهاتف اذا اهلك او اي قريب خارج المنطقة اشتركي بخدمة الاهل ممتازة وتوفر عليك
سويت دعاية للاتصالات لكن ادخلي الموقع وبتلاقي عروض حلوة واستغليها
بالنسبة لموبايلي ماعندي خلفية لكن ادخلي وشوفي العروض وقارني واختاري الخدمة الافضل لك
بالنسبة للانترنت اذا استخدامك كثير وفي اكثر من شخص يستخدم النت افضل حل هو الدي اس ال
في البداية بتكون التكلفة عالية اول مرة بس بعد كذا بتكون الفاتورة ثابتة
اشتراك 300 ريال + مقدم شهرين 240 ريال + بطاقة لمدة شهر 200 ريال + موديوم لجهازين او اكثر 500 ريال = 1300 ريال تقريبا
لكن بعد كذا راح تدفعي فقط كل شهر اشتراك هاتف 120 ريال + بطاقة 200 ريال = 320 ريال اتصال نت مفتوح 24 ساعة بدون توقف
.
.
.
فاصل ثم نواصل
,
بقي حلقات أخرى
أبكملهن بعد الصلاة إن شاء الله
فقد أذن المؤذن لصلاة العصر
.
أبروح أصلي ثم أكمل الحلقات
.
.