إستيطـــان في هالبلد والله ينصرنا عليهم وهذي قصتي :
كنت اشتغل في شركة بوظيفة (بياع) في محل .
وجميع المدراء والمشرفين أجانب ومن الجنسية اللبنانية وجالسين بالاداره
ومعاملتهم معانا أخس معاملة كأننا عبيد عندهم او انهم يعطونا المال من جيوبهم.
فكانوا جابرينا نداوم الصباح من الساعه 10 صباحا الى الساعه 12.30 ظهرا
ومن الساعه 4.30 عصرا الى الساعه 11 مساء . يعني ساعه زياده عن قرار مكتب العمل والعمال . ومع ذلك لك يوم واحد فقط في الاسبوع اجازه تختاره من السبت الى الثلاثاء . وبما إن عملنا فيه مبيعات فيه ربح والمعروف ان لك عموله على الشي اللي تحققه أو تبيعه .
ففي بداية الشركة جلسنا سبعه اشهر نحقق ارباح للشركه ولم تسلمنا اي مبلغ منها . سواء راتبك الشهري الذي لايتجاوز الثلاثة الاف ريال .
وطبقو بعدها قرار ان كل موظف يحقق العموله له شهريا 750 ريال .
وكنا نحقق العموله شهريا . ولا يسلمونا اي شي الا بعد كل ثلاثه اشهر 750 ريال .

والمصيبه الأعظم انهم اجبرونا بالعيد وبالغصب الدوام (وبدون اوفر تايم )وعدم تقفيل الفرع
ورحت ا انا ومجموعه من الاخوان إلى المدير وكلمناه ان احنا نبغى اوفر تايم . او ان احنا مابنداوم . الواحد بيروح ينبسط مع اهله مو كفايه ان احنا مانحضر لا مناسبات ولا اي اجتماعات .
فرد علينا بقمة التفاهه وقال ( سهله اللي موعاجبه يئدم استئالته).

أما اهم جالسين بالاداره وحاطين رجل على رجل وخميس وجمعه اجازه وراحه . وداومهم فقط بالنهار .
واغلبهم يقربون للمدير . اللي اخوه واللي ولد عمه واللي ابن خاله واللي متزوج اخته . وكلهم مشرفين ومدراء من تحته .

حتى واحد منهم معاه الشهاده الثانوية اللبنانية وحاطينه مدير في قسم التسويق.
لانه كان يأتينا الفرع ورأيت تاريخ ميلاده بإقامته فاستغربت !
من مواليد 1986 م ومدير كبير .فسالته عن شهادته .فقال لي معاي الشهاده الثانوية اللبنانية ياخيي . وهذا مدير المنطئه الغربيه بيئربلي يعتبر خالي.

فالشي المحزن انه انا واغلب الموظفين السعوديين بالفروع معانا شهادات افضل من شهادته واعلى .
لكن للأسف السعودي بهالبلد وظايفه تعتبر كالأتي:
حارس أمن . سكرتير . بائع . كاشير

ومع ذلك الا يطفشونك بالعمل .
عشان يقولون لرؤوساء الأموال. اللي للأسف هم تابعين من هالبلد
إن السعودي مو حئ شغل يبغى يتدلع

وقدمت استقالتي ومشيت من هالشركة
عندهم باب وعند الله الف بــــــــــــــــــــــاب .