والله اللي مستغرب منه هنا محد يرجع لك الباقي خصوصا الهلل

ما اقولها استهتار ولكن هذا الواقع انا اشوف فيها عدم احترام الزبون في المقام الاول

بدون مبالغه اطلع برا اوروبا او امريكا او غيرها
السنت او البنس او الهلله الواحده ترجع لك وهنا والله هذا اذا ما نفخ في وجهك وقال خذ علك

بصراحه صار لي موقفين

الاول مثال
حسابي طلع 15.5 وعطيته 16 قال خذ علك > انا قلت له انت قايل الحساب 15.5 ما قلت
( 15 و علك ) اللي اذكره كم من واحد ضحك وانحرج المحاسب

الثاني
واحد من الشباب متعود كل صبحيه يوقف البقاله ويشتري > بعد فتره الى السياره تعبت علك خخخ
راح الولد عدها طلعت حول 9 او 10 ريال يعني 18-20 علكه بنص

دخل البقاله شرا كم من غرض ب 9 او 10 ريال وراح للمحاسب وذب عليه العلك قال هذا حسابك يا ( )
قال له كل ما اشتري تحط لي علك في الكيس لين ما عبيت السياره والله ابو يمن قفلت معاه

المشكله ليه ما عندنا قوه العمله وفي الخارج يعطونك لو انه سنت واحد يعني هلله واحده ؟
واذا انك ما تبيها عندهم صندوق تبرعات جنب الكاشير او تقول له اذا فيك خير لانك بتشوف ابتسامه وتعامل محترم وامانه تقول keep the change

هنا انا صرت استعمل الشبكه في غالب الوقت عشان اخذ حقي واعطيهم حقهم