وش رايكم بالعنوان يخوف
المووهم يااخوان
سدح واحد من الاعضاء خبر حلو عن عزم جمعيه حمايه المستهلك عقد ندوه بالغرفه التجاريه بالرياض يوم السبت اللي موب ذا القريب
اللي عقبه يوم 3/3
وبما ان الدعوه متاحه للجميع الحضور فجا براسي اني احضر او اي احد من الاخوان بالرياض يروح يحضر هالندوة
طبعا اللي وقته يسمح له
انا عن نفسي امنيه احضر بس انا مو بالرياض واتمنى مايكون عندي يومها عمل والا عادي اروح اصلا انا احب اترزز بهالندوات دايم
ودايم اجيب معي مسجل هذا كبره معي ___
عموما كل واحد يدخل بهالموضوع يحط سؤاله اللي يحب يوجهه لرئيس جمعيه حمايه المستهلك
وياليت تكون الاسئله منطقيه وعقلانيه لأن ذا موب وكيل سيارات
واسف على لهجه الموضوع اللي مدري وش تبي بس احسها محببه شوي
