يووووووووووووه من زمان مادخلت المنتدى والله وحشني

ما شاء الله تغيير جبار وأعضاء جدد

لكن أكثر موضوع ضحكني هو هذا

من 2008 أو 2007 إلى الآن جدال في مكنسه

ياجماعة مكنسة ب 14 ألف معقوله

أنا سمعت عنها زمان بس بصراحة لا تضحكون كنت أتوقعها سيارة نوعيه جديدة

وبعدين تعالوا نحسبها صح

مكنسة ممتازة وماركتها عالمية وتنظف بالبخار والماء وتشفط كل شي حتى الحجار ب 700 ريال
فلتر هواء شغال 24 ساعة يخلي لك البيت كانه غرفة عزل في مستشفى من نظافة الهواء ب 1200 ريال
غسالة أوتوماتيك 10 كيلو أمريكية تغسل لك حتى السجاد والستائر ولو تبي الكنب وبالبخار ب 2400 ريال
أغسل المكيف كل سنتين مرة ب 10 ريال ومع الفك والتركيب 50 ريال
وش بقي ...... نسيت
تخيلوا مجموع الأغراض هذي ما وصلت 5000 ريال
وتقدر بعدين تبيعها لو إحتجت بنصف القيمة وإنت مرتاح

أحسن من إنك تنزلها السوق وتحط عليها ورقة مكتوب فيها مكنسة ب 5000 ريال (طبعا مستعمله)
ويجي واحد يشوف الرقم الخيالي هذا ويسأل معقوله السطل هذا ب 5000 ريال

وبعدين ودي يتصل علي مندوبهم أو يمرني في البيت علشان يقول لي ما راح أشرح لك إلا إذا كانت زوجتك موجوده (آآآآآخ يالقهر) إذا ماخليته يشوف نجوم الليل في عز الظهر وآخذ منه المكنسة بلاش وخله يشتكي
قال خلي زوجتك تجي تتفرج قال

أنا المستشفى ما تدخله الحرمه إلا إذا كنت متأكد إن إللي يكشف عليها دكتورة
أقوم أدخلها على واحد سوري أو مصري أو أيا كان وفي مجلسي

بعدين وش الإحترام إللي بدايته (ما راح أشرح لك إلا إذا كانت زوجتك موجوده)

تخيلوا دخلت بيت واحد وطلعت له شنطه وقلت له خلي حرمتك تجي تشوف وش في الشنطه هذي .... وش يكون شعوركم

يا إخوان كبروا عقولكم مكنسة ب 10 آلاف ريال وبشرط إنه يشوف عارك وأهل بيتك هذي صارت مهزلة

تحياتي