300 بنزين 400 لقرة العين وحشاشة الجوف ((حليب+بامبرز+العاب+نزلاته معي للبقالة) 200 تتن 400 اتصالات ((شاملة للجوالات والثابت والنت)) 300 مطاعم 400 للمدام 100 قطة فطور في الدوام 200 ريال يلطشونها اخواني شهريا كل يومين ثلاثة ياخذون عشرة الى خمس طعش 1000 ريال مصاريف البقالة ... على اعتبار أن باليوم ثلاثين ريال

ميزانيتك ياطويل العمر حسب كلامك وصلت الى
3300 ريال

اذا كان سكنك ايجار ممكن اقول شقه بـ 24 الف بالسنه مع المويه.
يعني صارت ميزانيتك الشهريه = 5300 ريال.

وانا اعتبر السكن ماخذ مبلغ كبير من راتبك بس بشكل عام وين الباقي ؟؟؟؟؟؟
2700 ريال شهريا وين تروح؟؟؟؟؟؟؟؟

ترى يا اخوان هذي المبالغ اللي تشوفونها بسيطه لما تتجمع على بعضها تشكل مبلغ كبير مهدور على نثريات بشكل شهري.

عمركم مالاحظتوا الغرب يتكلم عن خطه التقاعد؟؟؟؟؟ وغير كذا ماتلاحظوا الكثير من السياح في الدول الاجنبيه من كبار العمر؟؟؟؟ تعرفوا ليه؟؟؟؟؟

الغربي من يوم يستلم وظيفته وتروح المراهقه يبدأ يخطط على شي معين وده يسويه ويبدأ يحط ميزانيه يوميه او شهريه او سنويه وتلقاهم في الغالب يفكروا في التقاعد وكيف يعيش بعد التقاعد لانهم يفتقدوا الى صلة الرحم ولو كبر وجاع بيرمونه عياله للكلاب ( طبعا مو كلهم ) فتلقاه يشتغل ويستغل شبابه لراحته في كبره ويؤجل مشاريع السفر والاشياء الاخرى الى المستقبل.