المشاركة الأصلية كتبت بواسطة ابو مشعل

للاسف حتى مرحبا خرب تفصيله وصار يستخدم اسوء انواع الحشوات للقلاب والكبك
و فوق كذا رفع سعره الى 80 ريال

قبل شهر اتصلت على محل قطني اللي اتعامل معه وشريت منه طاقة قماش و حولت له فلوسه وعندهم خدمة يوصل لك القماش الى الخياط وطبعاً وصل لي القماش الى مرحبا بناء على طلبي
والمعلم عبدالرشيد عنده مقاساتي فقط اتصلت به و وضحت له وش ابي يكون تفصيل الثياب كبك او ساده
المهم الاسبوع الماضي استلمت الثياب واذا عبدالرشيد يطلب مني 400 ريال قيمة تفصيل 5 ثياب ويدعي ان المواد ارتفعت !!
مشيتها له لكن المصيبه الثياب وسيعه و امس غسلت ثوبين من ثيابه واذا الياقات بدت تنفخ

عقبها عرفت ان هالباكستاني اصابه الجشع ، رفع اسعاره وخرب تفصيله وصار يستخدم اسوء انواع الحشوات
لذلك قررت اسحب عليه وانصحك تبعد عنه لأنه من تالي صار مقلب

على فكره بعد زيادة الرواتب ومكرمة الملك
مشار زاد سعره من 120 الى 150
والاناقه من 100 الى 130
و بلان من 100 الى 120
و درز و اردان من 70 الى 100 و الآن مرحبا من 60 الى 80

المهم اللي يبي يشتري اقمشة انصحه ينتظر حتى رمضان لأن الجديعي في كل سنه يسوي تخفيضات في رمضان