اصلاً سقف الكلمة ماله أي معنى هنا ، لأنه لا يوجد جدران ترجع بالصدى ولا أعمدة ولا أساس من أساسه، يعني بالعربي .... مافيه سقف ، الكلام يطير عالي بالهوا ويروح مع الريح .

التشكي والتذمر من المواطنين شئ يسعدهم ويطمنهم ، لأنهم بكذا يعرفون ان الشعب لاهي وشاقي بلقمة عيشه ، الهجدة والسكوت هو اللي تخوفهم لأنهم يتشككون وش هالسكوت والهجدة عليه .

لا تخاف عندنا تندر السقوف ....... احك الين يلتوي حنتسك ، بس خل هذا غاية اهدافك . يو أر ان ذي سيف سايد .

هم يوهمونك ان ما فيه سقف للكلمة ، لكن برضه يثبتون لك ان مافيه سقف للأسعار ، ولا سقف بيت لك ولعيالك ... ولا سقف للنهب والسرق ............ الدعوى كلها Roofless

على ما قال الشعر :

طبعي الصبر ولكن وش عليه ارتجيه .... من طويل الصبر يعقوب وايوب ملا

دامني حي عطني وش بقى نحتريه .... ما بي سقوفك اللي عقب موتي تهلا

ما بقى بالعمر مقدار ما راح فيه .... كل ما زل يوم يوم بالعمر ولى

ما يعرف الجمر مثل الذي يكتويه .... احد يدفا بناره واحد فيه يتصلى