كنت أغسل عند الجبر ملابس وبصراحه مرتاح معهم وأسعارهم مناسبه الين صادفتني مشكله وهي أني غسلت كميه كبيره من المفارش والبطانيات والمناشف وللأسف بعضها مازالت غير نظيفه تشك أنها ما أنغسلت كلمتهم وقالوا بنغسلها ثانية وغسلوها وبرضه مانظفت مره صاير عليها زي البقع الشفافه (سعابيل الي كان نايم عليها) عذراً مالقيت وصف توضيحي مناسب غير هالوصف.. الشاهد الحين بغسلها ثاني مره وكنت أشاور مجموعة من الزملاء قالوا لي لاتغسل عندهم ولو أنهم أرخص مو نظيفين قلت ياجماعة الخير دايم أشوف سياراتهم عند المستشفيات ويغسلون لهم وأكيد أن المستشفيات حريصه على النظافه للمرضى قالوا هاذا بلا أبو ياعقاب أنهم يغسلونها مع مفارش وبطانيات المرضى قلت طيب كميتي كبيره المفروض تغسل لحالها قالوا أيه طيب تغسل لحالها هاذولي حاسبين حبة الصابون الشاهد أنهم ووسوسوبي الصراحه ونصحني واحد بمغاسل (لونيكس) بس المشكله أن مالهم الا فرعين أو ثلاثة بالرياض
أحد عنده علم أو خلفيه عن هالمغاسل وأسعارها معقوله أو لا ؟