منتدى مقاطعة - عرض مشاركة واحدة

**ستار نت** · 08-01-2013, 11:50 PM

لازم صورة بكاميرا الورش الفورية + تقدير الورش + تقدير شيخ المعارض(قبل وبعد) +
صورة من عقد تأمين الطرف الثاني + وكروكي الحادث وصورة هويتك..
بس انت وين منطقتك؟ لأن النظام الجديد مايجيك المرور لو كان على الأقل أحد الطرفين
معاه تأمين ، يعني وجود التأمين مع أحد الأطراف يسقط إلزام حضور المرور ويكتفى
بحضور مندوب " نجم " وإذا دخل نجم على الخط صار كل شي من عندهم..
كروكي الحادث وورقة الإصلاح في الورشة شريطة ان تختمها من المرور . ولازم تتصل
على المركز الرئيسي لشركة التأمين وتعطيهم خبر إذا تبدأ تصليح على حسابك
أو تنتظر إجراءاتهم ، وهم يوضحون لك .
المهم... إذا شركة التأمين اللي مأمن فيها خصمك أولاد حلال بتجيك فلوسك .
والإجراءات تاخذ وقت لين يجيك الشيك .

مع ملاحظة أنك بتدفع من جيبك تسعيرة التقديرات وتسعيرة فاتورة القطع وتسعيرة
تقدير شيخ المعارض وقيمة السطحة إذا سيارتك ماتتحرك ، كله مايدخل في التأمين.