أنا الآن أشتري مناديل أسمها الملكة ( مناديل سوريه ) طبعا هي تجي في عبوة بلاستيك ومكتوب عليها500 منديل مفرد حقيقة أنا مجربها من حوالي 8 شهور وهي أفضل في نظري من كثير من المناديل الموجودة عندنا وهي تجي 10 عبوات في كيس كبير .
أنا عرفت المناديل عن طريق صالون الحلاقة اللي دائما اروح عنده ولفت نظري حجم المنديل وسألته من فين اشتريته فقال لي عن طريق مندوب يمر عليهم كل اسبوعين وبعد كذا أعطاني مشكورا رقم المندوب واتصلت عليه
ومن بعدها أصبحت زبون وصاحب أيضا حتى أنه بعض الأقارب والأرحام لما شافوه عندي في البيت صاروا يوصوني أني أشتري لهم . على فكرة سعر المنديل 36 ريال (من المندوب) وهو سعر معقول جدا لو قارناه بسعر مناديل مشوار وكميتها على سبيل المثال وأن شاء الله أحاول أني أنزل صورة له قريبا واذا كانت تسمح الأدارة الموقرة أني أنزل رقم المندوب ليستفيدوا الأعضاء من فرق السعر عن السوق فلا مانع لدي ... ( موقعي مدينة جده)