المشاركة الأصلية كتبت بواسطة ماستر_كي

دام عيالك متعلمين ليه ما تخليهم يقدمون على الوظايف اعلاه ؟

هذه فلسفة واعذار عيال النعمة والواسطات !! يطالب الناس بأن يشغلوا ابنائهم زبالين وخدامات وهم مكوشين على الوظايف المحترمة !!

بناتهم قبل ما يتخرجون مدبرين لهم وظايف في الجامعة وعيالهم يشغلونهم في البنوك والشركات الكبيرة والمحترمة !!

الوظائف المحترمة حلال عليهم حرام على غيرهم

طيب ابو وظايف محترمة تقدر تقول لي لماذا يتم توظيف الاجانب في القطاع الخاص وبرواتب فلكية ؟!

انا بعيني ما أحد قال لي هندي ما عنده الا دورتين واحدة اكسل والثانية وورد قدم على بنك وتم قبوله براتب 6000 ريال غير البدلات والتأمين الطبي والتذاكر !! بأي حق يتم السماح لبنك مدعوم من الدولة ان يوظف هندي بدون مؤهلات لكي يعمل براتب 6000 ريال والشباب يتم توظيفهم برواتب 1200-1500 ريال

حبيبي اذا تم سعودة جميع الوظائف المحترمة وبرواتب معقولة وحسب مؤهلاتهم في ذلك الوقت طالب بسعودة الوظائف المتدنية !!

شف الاعلان بس واغسل يدك !!

يقول لك امتحان ومقابلة شخصية علشان زبال !!

هههههههههههههههههههههههههههههههههه

واخرتها 800 ريال !!

حبيبي احنا دولة اكرمنا بالبترول !! فبأي حق تطالب ان يعمل السعوديين زبالين !!

هل شاهدت بعينك اعلان في الكويت أو قطر أو الامارات عن وظايف زبالين للمواطنين !!

نعم اتقبل ان يعمل السعودي كهربائي أو سباك لكن ابسألك سؤال : هل تقبل ان يدخل السباك السعودي بيتك ؟ اتحداك تقول نعم

انا بعيني اشوف عائلات حتى الآن يرفضون الركوب مع ليموزين سعودي شباب وقدام برج الفيصلية والبنات فيها كاشخات

للاسف نحارب السعودي ثم نقول له ليش ما يشتغل ؟

صاحب شركة يعين مدير اجنبي ثم يقوم بتوطين جماعته وربعه في الشركة ويقوم بتطفيش السعوديين فيها ثم نقول "السعوديين مهوب حقين شغل" طبعا صاحب الشركة الاجنبي ضحك على صاحب الشركة المغفل بهالكلمة علشان يوظف جماعته وربعه !! ثم نجي ندربي روسنا صح السعوديين مهوب حقين شغل !!

يوظفون السعوديات في مدارس اهلية ثم يكرفونها كرف الحمار بالشغل وفي اخر الشهر راتب 1200 ما يجي حتى راتب السواق اللي يوديها ويجيبها، ثم نجي نبربر ونتفلسف نقول ليش السعوديين ما يستمرون في اعمالهم !!

عطوهم رواتب زي الناس !!

نقول لهم طيب اضغطوا على المدارس الاهلية وخلوهم يدفعون نصف الراتب والحكومة نصف الراتب وحطوا سعوديات بدلا من الاجانب يرفضون ... اصحاب المدارس الاهلية يرفضون

فعلا السعودي يكره السعودي !!

اللي يشتغلون في سابك وارامكو وفي البنوك والاتصالات وهي من انجح القطاعات الخاصة كلهم سعوديين !! فهل تنكر ؟

يعني يا تشتغل زبال أو كاشير أو شغالة أو مت من القهر وفي كلا الحالتين تموت من الجوع !!

نكرف عيالنا يدرسون 16-17 سنة ثم نطالبه يشتغل زبال

ههههههههههههههههههههههه

سخافة وقذارة وانحطاط