بـــسم الله الرحمن الرحيم
تحية طيبه وبعد...
في البدايه أحب ان اشكر هاذا المنتدى الرائع على المعلومات القيمه. وحبيت اشارككم بالموضع وسأبداء بتاريخ منع السيارات بالخليج, ثم سأدخل في وكلاء السيارات والسيارات الجديده, بعد ذلك سأتحدث عن المستفيد من المنع وعن سبب القرار وماذا سيحدث بعد مضى وقت من تطبيق القرارمن ثم سأطرح طرق اظن انها قد تفيد من الحد من غازات ثاني اكسيد الكربون والي كانت السبب في المنع! واخير سأتحدث عن الغاء القرار.
بالنسبه لموضوع السيارات والي مادري وش خلى وزيرنا وزير المواصلات تطق براسه ويطلع هل قرار. من وجهت نظر تاريخيه فالدوله الخليجيه الوحيده الي بدأت هاذا النظام وقامت بتطبيقه هي قطر. وممكن ان وزرينا راح قطر وعجبه وضع السيارات الجديده الي سببها دخل المواطن والي يخوله يشتري سياره جديده. وحب طال عمره يسوي زي قطر اعتقادا منه ان هاذا سيؤدي الى شراء المستهلك لسيارات جديده. وهاذا يذكرنا بالعلمانيين يوم رواحوا امريكا واوربا وشافوا التطور وطارة عيونهم وسئلوا الاوربيين كيف صار عندكم كذا قالوا لهم اننا فصلنا الدين عن الدوله وتخلصنا من الكنيسه وجوك العلمنيين يبون يسون نفس الشي بالديره عندنا والي هي مستحيله لان سياسة النسخ واللصق سياسه غبيه ودائما ماتؤدي الى نتائج سلبيه لان كل بلد له نظامه وتاريخه وشعبه الي يختلف تماما عن الشعوب الثانيه حتى ولو قربت المسافه.
الامر الثاني هو ان سوق السيارات الجديده بالسعوديه سيء جدا. على سبيل المثال الجميح وهو اكبر وكيل للسيارات بالمنطقه. الجميح للاسف سياراته فاشله وهاذا مب كلام عبط بل هو موثق ففيه شخص اعرفه له صديق في الجميح ارسلته شركة الجميح الى استراليا والي هي موطن سيارات لومينا وكابرس الي من الصعب العيش بدونها. اخونا اخذ طياره وراح استراليا زي ماطلبت منه شركة الجميح عشان عقود قطع غيار. الحاصل ان القطعه الي كان رايح لها هي البريكات والي هي من اهم القطع بالسياره. اكتشف اخونا المرسول من شركة الجميح ان الشركة الاستراليه تصنع بريكات ذات نوعه سيئه جدا يمنع بيعها في السوق المحلي الاسترالي وهي فقط للتصدير!! وقعد يقوله المهندس الاسترالي ان السعوديه هي الدوله الوحيده الي تاخذ القطع هاذي وهم مسوين لهم خط انتاج كامل مخصص فقط لسوقنا وتقدر تقيس على ذلك باقي مكونات السياره. والسبب طبعا هو السعر الرخيص والمربح العالي من بيع هاذه القطعه حتى لو كلفت المستهلك حياته. طبعا هيئة المواصفات اهم ماعليها انك تدفع لها الرسوم وبحريقه انت وسياراتك. والي زار هيئة المواصفات والمقاييس وشاف شغلهم يعرف مأسات الجوده عندنا. وعشان مانطلع من الموضوع فالواضح ان السيارات "الجديده" ليست اعلى جوده من السيارات المستورده من امريكا. والي زار امريكا يعرف انه مستحيل انك تسوق السياره فوق سرعه 90 او110 كحد اقصى في بعض الولايات الامريكيه. و الشوارع النظيفه واللوحات الارشاديه الي بكل مكان والاشارات والابراج المنتشره في كل مكان تجعل من السيارات الامريكيه المستعمله شبه جديده وهاذا عكس الي عندنا من مطبات وشوارع مهشمه ومواقف فوق ارصفه.
من المستفيد؟ سمعنا ولا زلنا نسمع وياااااكثر ماسمعنا عن جهود الدوله في رعاية المؤسسات الصغيره والمتوسطه والي من ضمنها تجاره السيارات المستعمله. و الي هي مصدر دخل كثير من المواطنين الذين يبحثون عن مصدر رزق "حلال" غير الوظيفه الحكوميه او الوظيفه ام 2000 ريال.هاذي التجاره تساعد المؤسسات متوسطه الحجم مثل معارض السيارات المستعمله والي تقدم خدماتها الرائعه مثل الضمان لمده سنه او تزيد في بعض الاحيان باسعار لاتقارن باسعار الوكلات والي عادة ماتذكرني بالارقام الفلكيه! وهي افضل من الرشوات الي تقدم لموظفين وكالات السيارات لأخذ موعد بالصيانه او تصليح سياره على الضمان والي هي حق من حقوق المستهلك الي ضاعت كل حقوقه.
نرجع لموضوع الدخل من تجاره السيارات والي راح يسبب اغلاقه الى مشاكل كثيره. فالمواطن يسكت لما يحس ان الدوله فاتحه له الفرصه للرزق حتى لو كان قليلا اما مايحصل الان من جعل الغني اكثر غنى والفقير اكثر فقر فهاذا سيؤدي الى مشاكل لا يعلم بها الا الله.
عواقب القرارات المدروسه! انا متأكد وواثق ان الوزير قد قام بنفسه بالتأكد من عواقب هاذا القرار! فهو يقول انه سيقلل من الغازات السامه المنبعثه من السيارات القديمه!!! مع اننا ماشفنا معرض او صاله تجيب سياره قديمه!! بل ان القرار راح يخلي الناس تشري السيارات القديمه غصب؟ لان الي بيصير ان السيارات القديمه "الخرده" راح تصير بسعر السيارات القديمه. مثال سعر الكابرس 90 راح يزيد بنسبه 40 بالميه على الاقل اما الكابرس 96 راح يزيد بنسبه 60 بالميه وهاذا يخلي الشخص الي يدور على سياره رخيصه بسعر مناسب يشتري الكابرس 90. مع ان الكابرس 90 ضار بالبيئه باضعاف مضاعفه من الكابرس 96. طبعا كثير من السيارات الخرد الي ماتصلح تنباع تشليح راح تنصبغ وتتعدل وتنباع بالسوق وكثير منها شاصيها معووج او في كثير من الاحيان غير صالحه للقياده بالشوارع العامه لانها تشكل خطر كبير, بسبب قدمها و انتهاء عمرها الافتراضي وسوء الصيانه.
الحلول العقيمه! وزير المواصلات والي قيل انه هو من اصدر القرار الجائر والي كان من المفروض يعمل على اصلاح طرق المواصلات وليس تصعيب المواصلات. يعني اذا يبي يقلل من غاز ثاني اكسيد الكربون فليش مايسوي نظام مواصلات مكيف مثل الباصات النظيفه المكيفه والي نشوفها في بريطانيا وامريكا والصين ودبي الخ. او يسوي نظام متروا "قطار داخل المدينه" للتنقل بين الاحياء للذهاب الى العمل او السوق او غيره. وبالطريقه هاذي راح تقل الزحمه ويقل الطلب على السيارات لان طال عمره لازم يفهم ان السواقه في بلدنا هي السبب الاول للموت. فكل الشعب صار له حادث. وكلنا لنا قريب مات او انشل او انشق راسه بسبب حادث! وطبعا قتلا الحوادث اكثر من قتلا حرب العراق وفيه ارقام ووثائق تؤكد الكلام هاذا. على طاري الحوادق فـالوزير نفسه صار له حادث في طريق بوحدريه الي صار له اكثر من عشر سنوات ماخلص!! والي عجلوا في تصليحه مع ان الي انتهوا منه من سنين بداء يخرب وبدأت الحفر والتشققات بالظهور فيه! مع انه يعتبر جديد جدا.
ماذا بعد القرار؟ انا اعتقد ان وزرائنا لا يعلمون ولا يريدون ان يعلمون عن حال الشعب وحتى لو علموا فلن يغيروا ولن يرجعوا عن قراراتهم. واسباب عدم الرجوع في القرارات كثيره. منها انه اذا اتخذ قرار ورجع عنه فهاذا سيقلل من شأن الوزير ويجعله ذو سوابق وغير معتمد عليه. وحتى لو طلع قرار الوزير غلط 100 بالـ100 فلن يرجع الى بامر من الملك لانه لايهتم بامر المواطن وهمه كرسيه وليس الشعب الي وضع لخدمته. طبعا هاذا سيؤدي الى الرشاوي والي صارت منتشره بشكل كبير جدا بالشعب والشعب غير ملوم ابدا لانه يبي يعيش.
اسئل الله العظيم ان يهدي وزرائنا...سبحانه انه على كل شيء قدير...
أأسف على الاطاله لاكن من حر مافي قلبي ماقدرت امسك نفسي من الكتابه...
اخوكم عبدالله بن عمر الحميدي.