فيه ورشة في الصناعية اللي بحي الشفا.. ما ادري وش يسمون الصناعية بالضبط

لكن انا وديت سيارتي لهم عن طريق ولد عمي مصلح سيارته فيها قبل فترة

المهم الورشة اسمها ورشة الهملان تصلح سيارات تويوتا وأسعارهم رخيصة.. لها طريقين للوصول للورشة. الطريق الأول من جهة الدار البيضاء.. مع اشارة الدار البيضاء تأخذ طريق فتح مكة غرب ثاني اشارة تأخذ معها يسار وبعدها الورشة على بعد 150متر تقريبا على اليمين..

الطريق الثاني من جهة معارض الشفا نهاية شارع المعارض باتجاه الجنوب إلى نهاية الطريق يصير حرف T بعدها يسار أول اشارة يمين وامش حتى تشوف محل قطع غيار ابو جميل على اليسار عند الاشارة واطلع قدام تلقى المحل على يمينك بعد 150 تقريبا

طبعا الاسعار عندهم مكتوبة في صحيفة ومعلقة على الجدار ولكن اللي يعرف يكاسر بيربح اكثر من نص المبلغ.. وشغل نظيف..

ان شاء الله ان وصفي ما فيه اخطاء..

تحياتي لكم ..