منتدى مقاطعة - عرض مشاركة واحدة - أعرض لكم تجربتي السيئة مع معرض الأمين لمطابخ الألمنيوم

**مـ قـ ا طـ ع** · 14-02-2012, 07:28 PM

اقتباس:

المشاركة الأصلية كتبت بواسطة محمد نواس

شكرا للمشاركة ولكن بالنسبة للمبلغ ما كنت أقدر أمسكة لأنه في العقد بند يقول يجب دفع المبلغ كاملا قبل تركيب المطبخ ب 10 أيام

نصيحة اخويه لكل اخ واخت
إذا تبي تفصل مطبخ او كنب او اي شيء لا تعطيه المبلغ كامل عطه عربون بسيط سوف يقول لك شروط العقد لا تسمح قل اجل خلاص ما ابغى افصل , لأن الشروط هم اللي يضعونها على كيفهم ولمصلحتهم , لو ان العقد من جهه مسؤله كان ما نلقى الشروط تختلف من شركة لشركة او مؤسسه لمؤسسه او حتى محلات , باي حق ياخذ المبلغ كامل وانا لم استلم المطبخ او الكنب , وهذا عشان إذا حصل تقصير او عدم اتقان يكون ضامن حقه ويماطلك .
وحصل لي تجربه شخصيه واستفدت منها كثييييييير , اخوي فصل كنب للبيت واعطاه المبلغ كاااامل وعندما وصل الكنب جابه ناقص قطعتين ولم يحضر ولأنه ماخذ المبلغ كامل اتصلنا عليه عشان يحضر القطعتين وتعالوا شوفوا المماطله اللي على كيفكم من اسبوع لأسبوع ومن شهر لشهر لين بعد 3 شهور جابها ولم تكن بذاك المستوى من الإتقان
وبعد سنين اردنا ان نغير الكنب ورحت بنفسي عند اللي يفصلون الكنب وعندما اتفقنا على الموديل والقماش , وكل شيء تحت امرك ومن هالكلام اللي اعرف انه كله عشان يكسب الزبائن , وقال لي ادفع نصف المبلغ قلت له ادفع لك عربون بسيط قال الشروط من الإدارة انه لازم نصف المبلغ ويبي يقنعني ان فيه ادارة وهم اللي يديرون كل شيء , وكل هذا عشان بعدين ما اقدر اسوي شيء أذا حصل اي إخلال في المتفق عليه واستفدت من التجربه الأولى , قلت له اجل افصل عند غيرك , قال خلاص ادفع اللي تبي , المهم عند التسليم جاء بأشياء غير اللي طلبتها نوعيه الخشب تختلف واشياء اخرى ناقصه قلت لن اسلمك المبلغ المتبقي لين تجيب الخشب المطلوب والأشياء الناقصه , هو جابها الظهر بعد العشاء وهو يدق علي ويقول جاهزه ابغى اجيك واسلمها
لو المبلغ واصله كامل هل يدق علي بهذه السرعه ؟!
مستحييييييييل لأن المبلغ اخذه كامل , وعارف إن ما فيه نظام بيأخذ لك حقك ويماطل
آسف على الإطاله , واعتذر من صاحب الموضوع ابو نواس , ولكن لكي نستفيد من تجارب بعض عشان ينتبه الأخرين
ولكم اجمل تحيه