يا شيخ الله يوفقك و ينصرك .. ابد مو قصدي تفرط بسيارتك بالعكس ودي ترجع لك مثل الأول ( أقلها لين تفرح بنفرح معك ) .. بس انا دفعت ثمن الحلم هذا واجد و أكتشفت بالنهايه إنه البلا ماهو منى من العمال اللى ماعندهم ذمه ولا ضمير و الطمع اللى عاميهم لين يصف السيارة لأجل يخلص 3 غيرها بنفس الوقت و وقت ما " تتفاهم معه " يشتغل فيها لين انت تعطيه ظهرك يرجع يجحدها ثانى .. يعنى يجبرك على انك تداوم عنده لأجل يخلصها و طبعا شغل الخيانه و الغش عيني عينك , و بالنهاية خسارت وقت و فلوس و سيارة تقول مسمكره بأفغانستان .. و عندك الورش شف الحال فيها بعينك قبل كلامي .

نصيحتي لك نفس اللى سمعتها من اصحابي يوم الحادث ... الكل قال لي خذ لك سيارة ثانيه افضل لك من اصلاح المنكوبه ذي .. قلت لهم نفس كلمتك: سيارتي جديده و أول بختى ... و سويت قوي و سحبت الكاش و طرت على الورشه اللى صاحبها اعتبره أكثر من أخو .. 7 شهور علشان سحب شاص و سمكره و بويه و اكثر من 20.000 اصلاحات ما بين ورش ثانيه و قطع غيار .. لا و أزيدك يوم ما خرجت السياره و انا برجعتي للبيت اشم ريحة بنزين غير طبيعيه و ادخل على اقرب بنشر و ارفع السياره و القى المحبس اللى يربط جلده ماسورة تانكي البنزين مفقوده و البنزين يكب بالشارع و واحد من السست مطعوج من حرارة التسخين ( يبون يقتلونى ) .. و ارجع لهم و " أتفاهم معهم - جولة نهائيه " و هاتك يا مشاوير و فرفره بالصناعيه و غيرها لاجل وزن و تغير و اصلاح و سحب ثاني و ثالث وو .. المهم ان السياره مرميه لا رجعت مثل الأول ولا لي نيه ابيعها لأنها ما راح تجيب 20% من اللى صرفته عليها و صاحب الورش " الأخو " منحاش منى حتى بعزايم لين يعرف انى فيها يخب ولا كأنه قاتل لى قتيل .

بعدين تقول شوارعكم مثلنا " بواقي حرب " على كذا بتداوم عند الورش لأن الرساوه و الأصوات الناتجه عن احتكاك الوصلات و الطقطقه واحد منها رايح يصيدك .
الا سؤال : انت بجده ؟

المقصد : احسب قيمة القطع + الاصلاح + اللى ما تعرفه من قطع تالفه بشكل تقديري + قيمة مشاويرك + الشغلات الثانيه التكميليه = ان قرب المبلغ من 10.000 شف لك سيارة ثانيه و أشتريها


شغله ثانيه : صور السياره و المناطق المتضرره و ارفعها هنا .. باخى خلنا نشور عليك و الكلمه النهائيه لك ( ولا ايش فايدت تواجدنا بموضوعك )

ربي يكرمك من واسع فضله .