السلام عليكم ورحمة الله وبركاته



أول شي


أشكركم من أعماق قلبي على هالمنتدى من جد نحتاج له وبقوة .



وبالنسبة لموبايلي نصصصصصصصصصصصابين وشوي بحقهم كلمة نصابين



أنا اشتريت الكونكت حقهم اللي بـ 1000 ريال - اللي بـ1300 الراوتر - كنت مفكره اشترك بـ5 جيجا
وسألت موظف عندهم بفرع الاحساء وش تنصحني فيه أي باقة؟؟

قال 1 جيجا كفاية

قلت له ويحتاج أي شي معلومات بيانات ؟؟

قال لا لا ولاشي

وأرسلت السواق برمضان وينتظر حول الساعة بالسرى ومعه وصل عند الصندوق

وانتهى الدوام قالوا للباقين تعالوا بكره

وراح لهم بكره ونفس زحمة السرى مع العلم إنهم عطوهم أرقام من جديد

جاء دوره ودق علي


وش يبي؟؟


كلمني الموظف محترم وبأدب

قال مامعه أي إثباتات

قال مامعه بطاقة عائلة ولا أحوال ولاشي !!!


الشريحة أسجلها بإسم مين؟؟


قلت له أنا كلمت موظف عندكم وسألته قالي مايحتاج أي شي ؟؟؟؟


كيف تقولي هالإثباتات ؟؟


موظف ومايدري وش السالفة؟؟


قام يصرف ويتعذر ويمكن مع الضغط عنده ومن هالكلام


سألني الشريحة أبيها بإسم مين ؟


قلت له بإسمي ؟


قال لازم تجيبين بطاقة الأحوال أو معرف وبطاقة العائلة المهم فيلم هندي


قلت له طيب أنا مو موجوده الحين بالاحساء ؟؟كيف؟!!!


قال خليها بإسم الوالد أو أي أحد ؟؟


قلت طيب وش الإثباتات المطلوبة؟


قال لازم يجي بنفسه قلت بعد؟؟؟؟؟؟


قال ايه لازم يخلص الإجرائات


لاحظوا كل هذا عشان كونكت ؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!



المهم


قالي إذا تبينها الحين أخليها بإسم السواق


قلت لا مابيها بإسمه


قال مابيدي حل ثاني


قلت طيب وإذا جاكم بكره ينتظر بهالسرى وتخلونه يروح زي كل مره؟؟


يوم شافني عصبت


قال لالا أبد يجيني على طول وأنا أخلصها له وإن شاء الله خير


قلت خير إن شاء الله



اليوم الثالث كنت بروح أتهاوش


شافني أخوي وسألني قلت له السالفة كلها


قال أنتي وش اللي تبينه ؟؟


قلت له الكونكت وسرعته كذا وكذا


بمكالمة لواحد يعرفه من موظفينهم أبد إبشر


تعال عندي وأخلصه لك


راح عندهم


أقسم بالله العظيم ساعة ونص وهو راجع


من ضمن هالساعه سواليف وضبطوا الإعدادات وللمعلومية جربوا أكثر من كونكت ومااشتغل ؟؟

معناها عندهم بعض القطع فيها مشكلة ؟؟


لما ضبط واحد صلحوا إعداداته وجابه لي


سويت إعداداته عالجهاز ودقايق وهو يشتغل



(( واســـــــطــــــــــــــــــــات تـسوي كل شي بديرة الواسطات ))



مدة الإشتراك شهر 1 جيجا ومفوتره



اشتغل تمام التمام ولا في أزين منه والكل يسألني وأمدح فيه



بعد كم يوم بدأ يفصل من نفسه وارجع أشبكه وكل شوي يفصل



إذا تركته فتره شغال وأنا مو عالجهاز أرجع ألاقيه فصل



وش السالفة ؟؟ وش صاير ؟؟



كلمتهم قالوا من الضغط على الشبكة ومدري وشوو


صار أبطأ من العادة ويفصل


بعد 3 أسابيع تقريباً أو أقل شوي فصل ؟؟؟؟؟؟؟؟؟؟؟



وش صار؟!! وليه؟!!!!! مدرررررررررري


وكلمتهم أنتظر أقل شي ثلث ساعه ومرات بالساعه وزيادة



وكل مره أعطيهم الرقم والإسم يشيكون عالإعدادات ؟؟


ويسألوني مفوتره ولا مسبقة الدفع ؟؟



طيب ياخوي عطيتك الرقم والإسم مايطلع عندك كل هالإجابات بالسستم ؟؟!!!!



ويشيكون معي الإعدادات مع العلم إني عارفتها ومتأكده منها ؟؟



بس معليش زيادة تأكيد ماقصرووووووووووووو



ولاعرفوا ايش المشكلة بيرفعون خطاب وخذوا رقم جوالي عشان يتصلون فيني


وخلال 48 ساعة بالكثير بيتصلون فيني وتنحل المشكلة ؟؟


انتظرت 72 ساعة ولاصار أي شي


اتصلت فيهم يسألوني نفس الأسئلة جاوبتها قبل مايكمل ؟؟


حفظتهم قالي نرفع خطاب ونحط فيه رقمك


قلت رفعتوه وماصار شي وانتظرت مدة أكثر من اللي قالها لي زميلك اللي قبلك

وتعيدون وتزيدون بنفس الإسطوانة ولا أشوف شي ؟؟؟؟؟؟؟



قال لا يمكن عندهم ضغط بالصيانة ومن هالكلام


هدي أعصابك وإن شاء الله مايصير إلا الخير


بعد 24 ساعة اتصلوا فيني وكنت أصلي مررررررررره وحدهوالله العظيم


ولاعاد دقوووو بعدها ؟؟



اتصلت أنا وهبيت فيهم



تدرون وش طلعت المشكلة ؟؟؟؟؟؟؟؟؟؟



إن 1 جيجا انتهت قبل الشهر ولهذا السبب فصل


أسبوع عشان يعرفون إن هذا السبب؟؟؟؟!!!!!!!!!!!!!!!!!!!!!!!!!!!!!!!!!!!! !!!!!


معقولة ؟؟؟؟؟؟؟؟؟؟؟؟؟؟



قلت له والحل ؟؟!!!!!!!!!!!!



قال مافي حل إلا إني انتظر للشهر الجاي أو تترقى الباقة لـ5جيجا أو غير محدود


قلت طيب أبي أرقيها


قال شريحتك مفوتره ولا مسبقة الدفع؟؟



قلت مفوتره ، قال آسف ماأقدر أخدمك ؟!!!!


ماأقدر أرقيها إلا لمسبقة الدفع بالتليفون ، المفوتره لازم يروح للمركز نفسه ويطلب الترقية ...



شي يضحك صح ؟؟



قلنا طيب نلحق الكذاب لباب الدار



كلمت أخوي يكلم خوية اللي بموبايلي



تدرون وش قال ؟؟؟؟؟؟؟



قال للأسف ماأقدر تووو من أسبوع جانا تعميم مانرقي أي باقة



وأكلم خدمة العملاء يقولون لي غلطان ماجانا أي تعميم بهالخصوص



نصدق مين ولا مين ؟؟؟!!!!!!!!!!!



خلص الشهر بعد ماكرهت الكونكت والساعة اللي اشتريته فيها



المفروض يرجع الوضع طبيعي ويشتغل على 1 جيجا



اشغله مايشتغل وأكلمهم يقولي الموظف لازم نسدد قبل



قلت كيف أسدد وأنا لي بس شهر والشهر أنا دافعه 1000 ريال و1جيجا يكون مجاني ؟؟



سكت ، وقال لحظه أشوف <<< مكذبني ليش تسألني كان شفت من أول ؟؟



قال لا بعد ماتتدفعين تشتغل للشهر اللي بعده



أنا طنشت ومادفعت ولا استعملتها مابيها خلاص كررررررررررررررررهتها




تو من أسبوع يمكن تجي فاتورة بإسم أخوي 200 ريال وشوي


ليش ؟؟ على أي أساس الله أعلم ؟؟



أساساً الباقات تسعيرتها 100 أو 200 أو 350


تجي 200 وشوي كيف؟؟



مع العلم إني أقدر أرسل مسجات من الجهاز لأي جوال وأرسلت مسجين بسسسسس لي ولأخوي أجرب فقط ..




يوم كلمهم قالوا حتى إذا مااستعملته يحسب ؟؟


كيف يحسب وهو مايشتغل من الأساس ؟؟؟


ومليون مره أكلمهم ويقولون كلام غير اللي يصير ؟؟




من المسئول عن هالشي ؟؟



المستهلك ؟؟ أكيد هو الغلطان لأنه وثق بهالشركة الغبية اللي همها نصب واحتيال

موظفين الفروع لهم كلام ؟ وموظفين خدمة العملاء كل واحد له كلام ؟؟


بس الشرهه مهيب عليهم عاللي موظفهم



ماأقول غير حسبي الله ونعم الوكيل



آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآسفة جداً على الإطالة



بس ترى قصتي غيض من فيظ



وماخفي كان أعظم