السلام عليكم
ابو هشام الاخوة الاعضاء والله المليون الان ماتسوى لحست المخ
عموما اذا تذكرون كان هناك جزايز على الشرق الاوسط مليون اذا تمت الاجابة على المواضيع بعدد 31 سؤال تجمعها وترسلها للشركة وانت وحضك
هذا الله يسلمكم واحد منحوس من زملائي من كثر ديونه ماخلى مسابقة الا وشارك فيها حتى انهم كانوا يبيعون الاسئلة محللولة ب125ريال مع 5ريال للبريد
المهم خوينا ما له شغل الا المسابقات بس الحظ مايسوى دار بيني انا وياه نقاش وسئلني لو جتك المليون وش تسوي قلة له والله لا اشق الشيك
اخذوني الي جالسين طقطقة وانا زعلت وصممت لو اسويها بس هياط اذكر كان الوقت في رمضان رحت مع الوالد الله يرحمه المسجد ومن دخلة المسجد والله لين طلعت وانا والمليون في سالفه برى الصلاة 180درجة بس قلت الله اكير ابصلي تحية المسجد والله حضر خنزم وتعالوا شوفوا الهواجيس من فتح محل الى زواج من لبنانية الى شرهات الى محاكم والا كسر عيون شيبان عندنا بالحارة عيوا لايزوجونني وعلى كذا الين طلعت من صلاة السنة والعشاء والتراويح ولاني لم الصلاة بالمرة هذا وهو بس قالي لو جتك المليون اجل من جد لو جت والله بستخف ولا عاد اكلمكم يا شلة المقاطعة
اللهم اكفني بحلالك عن حرامك واغنني بفضلك عن من سواك