نتابع يومياتي


المهم رجعت البيت وانا افكر في كلام صاحب البيت واذا بالتلفون يرن قلت ان شاء الله خير

المصايب من بداية اليوم وهي وراء بعض المهم قلت الووووووووو قال هههههههههههههههههه

قلت انت مين تبي قال ابو فقران قلت نعم اي ش تبي قال ماعرفتني قلت تكلم زي الرجال

علشان اعرفك رجع مرة ثانية يضحك هههههههههههههههههههههههههههههههههه

وطولها شوي قلت والله اذا مل تقول مين انت بقفل في وجهك ورفعت صوتي بعصبية

حتى عييلي وقفوا من اللعب والتنطيط ( حتى اولاد الفقير ينططو ويلعبوا وعندهم احلام زي اولاد الغني )

المهم قال انا فلان زميلك في العمل قلت ان شاء الله خير غريبة تتصل رجع يضحك قلت وراك من اول ما كلمتني جالس تضحك قال اضحك على سوالفك يا طفران

قلت ايش سويت انا يخليك تضحك قال فاكر المنتدي الى اعطيتنا ياه حق المقاطعة قلت ايه قال

انت اللي تكتب بسم طفران قلت وكيف عرفت قال اسلوبك الهزالي اللي تكتب فيه وطريقة تعاملك

مع مشكلتك المادية اللي ما تخفا على كل اللي معانا في العمل وحتى انك ترفض السلف والمساعدة


اثرك مره جيعان هههههههههههههههههه قلت الفقر ماهو عيب العيب هو اللي يشحت او يسرق

قال انت فقران وعندك وظيفة تأكلك الشهد قلت اقول اقصر ايش عندك

قال تجيني ولا اجيك قلت انا ما عندي سيارة قال وسيارتك قلت سحبتها الشركة تاخير اقساط

رجع يضحك ويقول خلاص انا اجيك


قلت طيب وانتظرته ...................

يتابع في الغد

اخوكم طفران بن فقران