بداية المشكلة 2/2/2009 اولا حسبي الله ونعم الوكيل على هالصناعه ... الله يستر على السيارات المصنعه والمجمعه في اليابان
السياره موديل 2007 شاريها كاش بـ112000 ريال قراندي شريتها على بداية 2008 وكان باستطاعتي شراء 2008 ولكن بسبب عدم وجود جناح تركتها واتجهت لت2007
المهم بعد ماخلصت 14000 ك بدات تدخن دخان راح تشوفونه بالمقطع ... ما انتظرت على طول اتجهت إلى شركة عبداللطيف جميل بالطائف .. قالوا خليها نكشف عليها .... (وانا منتظم في الصيانه معاهم ) ومن يوم في يوم لين اجمعوا على ان الماكينه رايحه ... قالوا انتظامك في الصيانه هو اللي ساعدك ...
وبنغير لها مكينه جديده .. قلت طيب ... وش السبب قالوا توسع في الـ6 سلندرات (يعني عيب مصنعي )
بس بنغير لك الماكينه كان تاريخ دخولها 2/2/2009 تخيلوا متى استلمتها يوم 4/3/2009 يعني 32 يوم علشان تغيير ماكينه
استلمت السياره ... وهم يباركون لي على خروجها 
المهم قالوا راح تبدأ تمرين جديد وبعد 1000 ك راجعنا علشان نسوي تشييك ...
هنا الكارثه بعد مامشت 600 ك تقريبا بعد 7 ايام رجعت تدخن اكثر من اول وكأنهم ما صلحوا حاجه
رجعتها الشركه وتاخذ يومين وبعد يومين قالوا السياره خلصت .. طيب وش سبب المشكله قالوا وزنية منظم
بعد ما اخذت كرت الخروج ... بيسوون اننا صلحناها قالوا روح مع السواق علشان تتأكد بنفسك...
تخيلوا قلت لا تشغل وطلعت جوالي وبدية تصوير فديو وشوفوا وش صااااار 
مع مقطع الفديو ...
وش الحل افيدوني ....هل اقدم شكوا لوزارة التجاره ... والا شنو ... ابغا استبدلها خلاص عافتها النفس؟؟؟؟؟؟
تحديث بتاريخ 19/3/2009
بسم الله الرحمن الرحيم ..
اقتباس:
تمت مراجعة الفرع يوم الخميس الساعه 4.40عصرا الموافق 10/3/2009
ومقابلة مدير الصيانة مباشرة /
والذي افاد بالتالي // في المره السابقه لمراجعة الوكالة تم تغيير الماكينه 100% واستدل بالرقم المختوم على الماكينه وتاريخ دخولها للسعوديه
ولكن عند فحص الماكينه المره الأخيره وجد ان الخلل لايوجد بالماكينه وان المكينه شغاله 100%
تخيلوا ما هو الخلل الجديد ؟؟؟ 
الخلل الجديد حسب ما افاد انه يوجد في البخخات والمنظم ... حيث انه يسبب ترسب وعند تشغيل السياره تظهر الدخان ... حسب كلامه(بأنه عيب مصنعي آخر) ... وافاد بأنه تم طلب بخخات ومنظم جديده ولن يتم تركيبها الا بوجودك
وقام بإعطائي رقمه الخاص واكد بأنه سيتابع معي باستمرار حتى يتم حل المشكله
وانا بكون معاه للأخير مع العلم اني طلبت تقرير كامل عن ماتم عمله في السياره من اول صيانه لها وحتى اخر مشكله حدثت بها وقال ستجد تقريرك جاهز عند استلام سيارتك
____________
تمت مراجعة الفرع يوم الاثنين الساعه 4.35عصرا الموافق 23/3/2009
وافاد بانه جاري العمل على السياره وطلب القطع من جده ... وذلك بسبب حدوث خطأ في طلب القطع
تم اضافة الصور ....
الصور قبل تركيب الماكينه الجديده ///
اقتباس:
تمت مراجعة الفرع يوم الاثنين الساعه 1.25عصرا الموافق 30/3/2009
سوف اقوم بوضع صورة التقرير عن السياره .... اليوم بمشيئة الله عز وجل ...
لاتزال السياره داخل الشركه حتى هذا الوقت ... بسبب عدم توفر القطع ...
والشركه ترفض تأمين سياره لي
والشركه ترفض تأمين سياره لي
والشركه ترفض تأمين سياره لي