إلا أن كثير يستفسرون عالخاص عن الطريقه اللي يتعرفون بها على جودة دهن العود..!
اذا انت رحت تشتري دهن عود طبيعي وأصلي من أكبر محلات دهن العود وأقواها ليس في البلاد وحسب بل في العالم أجمع
وحبيت تتأكد اذا دهن العود اللي عنده طبيعي زي مايقو ل صاحب المحل ام لاء
لاتعتمد على الريحه وتعتيقها فقط في تقييم جودة دهن العود...!!
فقط أطلب منه يولع لك جمر(أكيد عنده) ثم ضع نقطه صغيره منه على الجمر ....
إن فاحت ريحة دهن العود اللي شميتها قبل الجمر تخالطها شويه ريحة بلاستك او زيت محروق فهذا دليل على جودتها
وكل ماكانت نسبة ريحة العود أقوى من ريحة الزيت فهذا دليل على زيادة الجوده وصفاء الدهن
والعكس بالعكس
فاذا كانت رائحة دهن العود تظهر فجاءه وتعقبها رائحة بلاستك قويه فمعناته جودته أقل
وأختبار الجمر ينسحب ايضا على البخور....
هناك بخور أول ماتشمه خلاص تقول هذا لاقبله ولا بعده
ولارحت البيت وجربته على الجمر تنصدم من النتيجه
يأما تلاقي ريحته غريبه ومالها علاقه بالاطياب نهائيا
او لتلاقي ريحة العطر المرشوش عليها تفوح شوي تعقبه ريحة شوية اخشاب
أما البخور الجيد هو الذي تبقى رائحته طوال الوقت وهي على الجمر تفوح ريحة بخور اصليه حتى تنتهي من الجمر فضلا عن ان رائحتها تشبك في الملابس وفي البيت وتتفاجاء فيها لمن تدخل مكان مبخرينه تتفاجاء برائحه عطره وليست فقط اول ماتبخر..!!
اليوم شريت (من محل كبير ومشهور ) دهن عود يقول انه طبيعي ربع التوله منه بعد التخفيض بــ100 ريال
يوم شميت ريحته لقيتها نفس ريحة اللي عندي بالظظظبط ونفس قوة انتشاره
حبيت اتاكد اذا طبيعي زي مايقول ام لاء
جبتها وحطيت نقطه منه على النار وفاحت ريحة بلاستيك وشوية ريحة دهن عود
بينما اللي عندي وللامانه زي ماخبرتكم انه صناعي لمن حطيت نقطه منه على الجمر فاحت ريحة بلاستيك او زيت
انا معترفه من الاول انه صناعي وماتفاجاءت بالنتيجه
بينما انصدمت من اللي عند هالمحل لمن قال انه طبيعي وبالاخير فاحت منه ريحت البلاستيك قويه ...!!
حتى دهن العود الصناعي بالرغم من سعره الا انه هناك من يغش فيه
وقد لايسمى غشا الا انه في احيانا كثيره تكون العطورات في حالتها الطبيعه بدون اضافات
يكون العطر حار جدا ومحرق للجلد الا ان تركيزه وجودته لاتضاهى
وهنا يلزم اضافة بعض المواد التي تقلل من تركيزه وتحافظ على جودته الى اقصى درجة ممكنه
ويستطيع المشتري ان يتحكم في نسبة التركيز وفقا لما لديه من مال...!
بالنسبه لدهن العود اللاوسي فسبب تسميته بذلك هو انه ينتج من جمهورية لاوس جنوب شرقي آسيا. تجاور الصين على شمالها وفيتنام على شرق وتايلند على غرب وكمبوديا على جنوب.
الا ان دهن العود الهندي (من وجهة نظري) يبقى في القمة دائما ,,,,
ولكل زبائنه ومحبيه
وعلى كل حال دهن العود يتم التعطر به وليس وضعه على الجمر يعني ريحة البلاستيك عمرها ماتظهر على الملابس او الجسم
راح تلاقي ريحة دهن عود وبس,,,,,
ودهن العود الموجود عندي صناعي درجه أولى عالي الجوده خاااااااالي من التعتيييييييييييق