الله عافنا مما ابتلاهم به

ادعو الله العزيز الجليل ان يرينا فيه عجائب قدرته وأن يسلط عليه الامراض الغريبة والعجيبة اذا كان فعلا مغتصب أو حاول اغتصاب تلك الفتيات !!

لكن سؤال : الحين هالـ 13 فتاة مالهم اهل ؟!! مالهم امهات ؟!!

يا ناس استغرب من بعض السعوديات !!

انا بعيوني شايف طفل معاه كرت العاب في سوق الرياض غاليري يدور ساعتين في الالعاب ويدور في الممرات ... كل هذا علشان ما يزعج أمه الحيوانة من التسوق !!

الولد من الطفش كل شوي يتصل على أمه بالجوال.. يعني لو يضحك عليه احد الشباب بكلمتين ممكن يمشي معه برا السوق !!

والانكى والأمر من ذلك ... نجد اطفال برفقة شغالات رايحين للمستشفى أو للسوق

انا بعيني شفت اطفال وحتى رضع رايحة الشغالة معهم تأخذ لهم تطعيم !!

طفل لا يتعدى 4 سنوات يتأرجح على السلم الكهربائي ... يعني لو طاح انكسر ظهره أو يمكن يجيه شلل أو ارتجاج بالمخ !!

للاسف السعوديات اصبحوا مهملات لأولادهن وعجازات وما يفكرون الا بالايفون والبلاك بيري !! الشغالة تحفظ الولد وترضعه وتلعبه وتنومه وتتمشى معه !! ما ندري وش تأكله هل هو شي يضر الولد هل هي تضربه هل هي تخنقه ؟

المشكلة انه في حل حدوث مكروه لطفلها تجيك هالخبلة الهبلاء تصيح وتولول !!

اقسم بالله شيء مقرف ومقزز مما يحدث من بعض الامهات السعوديات

كيف تأمن الأم السعودية اطفالها مع الشغالة اذا راحوا للسوق أو مستشفى ... طيب ممكن تبيعهم أو ترميهم في الشارع وحينها لن يطال الشغالة اي شي فقط سجن لعدة اسابيع وبعدها ستسافر معززة مكرمة وعلى حساب كفيلها بعد ويدفعون وهم حمير !!

انا ماألوم المجرم لأني ما أعرف فقد يكون خريج سجون أو مدمن خمور أو مخدرات !! لكن ألوم ابائهم !!

13 طفل كل واحد يتمشى بالفيديو بدون ولي أمره هذه فاجعة وكارثة ويجب قبل ان يحاكم هذا المجرم أن يحاكم أبواه على الاهمال

نعم يجب قبل أن يحاكم هذا المجرم أن يتم محاكمة الأب والأم على حد سواء !! بأي حق يتساهل الاباء بأرواح واعراض أولادهم !!