يازينك ساكت ومدري الأخ وش يبي في الحياة وماهو هدفه من فتح الموضوع هل هو جاي يلمع مطعمهم وخايف من الحقائق السيئة اللي الناس بدأت تعرفها عنهم وكثرة المنافسين اللي في السوق ولا جاي يبي يسمع شكاوي الناس ويتجاوب معها هذا أحد أهم أسباب فشل الحوار من قبل صاحب الموضوع وبالإضافة إلى اللغة الإستفزازية تجاه أعضاء المنتدى (والظاهر إنكم بطرتم ونسيتم أن كل فروعكم من جيوب هالزبائن) وعلى العموم جاء بيكحلها وعماها بكل الثنتين وبانت مدى إحترافية وفشل موظفين الرومانسية في التجاوب مع الجمهور وهذا الشئ المفروض تهتمون فيه مليون مرة اكثر من شهادات الأيزو والهاسب اللي مزعجينا فيها وعلى العموم أنا من سنين خلت كنت من أشد الناس اللي يقبلون على الرومانسية بشكل أسبوعي إن ماكان بشكل شبه يومي وأصرف مايقارب 200 إلى 500 ريال أسبوعيا ولكن من الان بحكم تخصصي في التسويق ومعرفتي أن ماقام به صاحب الموضوع بعيد كل البعد عن الإحترافية في التسويق والعلاقات العامة وبعد الردود اللي أقل ماتكون بالمخجلة والفاشلة من موظف الرومانسية ومن هنا وفي مشاركتي الأولى أعلن مقاطعتي للرومانسية للأبد وراح أنشر التجربة السيئة اللي تعرضت لها لجميع من أعرفهم حتى يتركوا مطعمكم ويتوجهوا لمطاعم أخرى وأبقى بلوا شهادة الأيزو والهاسب يابو خطة مدروسة وشكرا للرقي من أعضاء هالمنتدى.